حتى الشلن

حتى الشلن

بقالى اسبوع بفكر اكتب ايه،، واكتب كلمتين واسكت واقول لا مش دلوقتى لغاية ماسرحت وفكرت فى حال الدنيا المتشقلب وان مفيش حد حاسس بالرضا وان قيم كتير جوانا مبقتش موجودة وبقى سوء الظن هو اللى موجود لوحد عمل حاجة كويسة لحد ده اكيد وراه مصلحة لوحد ساعد حد ده طيب اوى ساذج على نياته "بجد" تعالوا نضرب مثل للتوضيح أكثر:عارفين الشلن ومدى تطوره بأشكاله مرة ورقة عليها تمثال فرعونى ومرة عملة معدنية مختلفة الاشكال على مدار العصور،،الشلن الصغير ده زمان كان ليه قيمة كبيرة جدا ودلوقتى ولا ليه لازمة ،،الشلن فى وقتنا الحالى اصبح يعادل ربع جنيه يعنى خمس شلنات ،، وحتى الربع جنيه دلوقتى متعرفش تشترى بيه ايه !!!! يمكن عشان هوأصغر قيمة هى الحاجة عشان صغيرة ميبقلهاش قيمة مين اللى اصدر حكم وحكم ان الحاجة عشان قليلة يبقى ملهاش قيمة هوإحنا لازم نبص على الحاجة من بره من غير مانغوص فى أعماقها نهتم بالشكل الخارجى على حساب حاجات كتير زى مابنهتم ببنت حلوة من غير مانعرف هى من جوه انسانة جميلة ولا !!!!! طب سؤال الشلن دلوقتى منعرفش نشترى بيه حاجة يعنى منقدرش ندفع 95 قرش فى تذكرة المترو لا طبعا لازم جنيه وهو الجنيه مكون من ايه 20 شلن ياااااااااااااااااااااااا الحاجة الصغيرة دى لواتكونت مع بعض تعمل جنيه من غير الشلن مش هيبقى فيه جنيه وقيسوا على كده حاجات كتير اوى،،ان الحاجة لوحدها ملهاش قيمة بس لواتجمعت مع بعضها هيبقالها قيمة لا الانسان يعرف يعيش لوحده ولا يقدر يعيش من غير ناس حاوليه ،، ايام التسعينات كنا نقدر نشترى بربع جنيه حاجة ساقعة ولوليتا او ايس كريم استيك اللى بقت قيمته دلوقتى متقلش عن 3 ج ،، انا مش بكلم هنا عن غلاء الاسعار قد مابحكم هواحنا ليه مختلفين عن زمان ليه دايما عندنا حنين لايام زمان مع ان ايام زمان مكنش فيه ميكروباصات ولا توك توك "على راى والدتى " ياترى هيخترعوا ايه بعد التوك توك " والله بقالى اسبوع بفكر هيخترعوا ايه ،،كان فى بساطة فى كل شئ كان فى احساس بطعم الوقت كنانقدر نعمل مليون حاجة كنا ننزل نقابل اصحابنا ونضحك ضحكة من القلب وتبقى مواعيدنا مظبوطة من غير مايكون فيه تليفونات محمولة ودلوقتى برغم الاختراعات والموبايلات واختلاف انواعها وخدماتها بنتاخر على بعض ومش بنحس بالوقت طب هواحنا بعد 20 سنة كمان هنقول نفس الجملة هنقول فين ايام زمان "هوده برده نسميه "عدم رضا"

هوانت فين يازمانى

لسه موجود وبتنادينى

ولا بقيت احلام مجرد سرقانى

معرفش حكايتى معاك هتنتهى امتى

هأثر فيك ولا هكون مجرد ذكرى ولا هيكون مصيرى بلانهاية

نأسف لهذه المحاولة من كتابة الخاطرة الصغيرة ،، نرجع تانى ليه احساسنا باللى حوالينا مات ليه من كتر الالام ؟؟؟؟؟؟؟؟؟؟؟؟؟؟؟؟ والالام دى سببها ايه ماهوربنا قال "لقدخلقنا الانسان فى كبد" طيب احنا هنفضل طول الوقت فى صراع كده ،، طب ليه لمانشوف طفل فى الشارع نايم على الارض فى البرد مش بنمدله ايدينا عشان صغير ولا عشان مات جوانا حاجات كتير ،،ليه لما نشوف حد بيتظلم بنقول يالا نفسى عشان بقينا انانين ولافقدنا الاحساس ،،ليه لمانشوف طفل بيعدى الشارع فى عز الشمس يبيع مناديل بنتضايق من الشحاتة واسلوبها ولما يكونوا فى المترو بيوزعوا مناديل بنضايق ازاى يقلوا راحتنا ويرموا علينا مناديل فقدنا معانى الرحمة ،،ليه لمانلاقى حد كبير بيعدى الشارع مفيش عربية بتقف تعديه عشان كلنا بقينا مستعجلين ولما تعمل الصح يتقالك ياابنى الحاجات دى ماتت مفيش ناس بتعمل كده "كبر دماغك " "لوول " لمانسمع الاب يقتل اولاده والعكس ولا اتنين اتقتلوا عادى ماهوكل يوم ناس بتموت "عادى"للدرجادى ............................ ولحد امتى

مقدرش اتمسك غير إن أملى فى ان لسه فى ناس كويسة  ،، نفسوا اقولكم ارجوكم متتغيروش وتبقوا زى الناس اللى موجودة حتى لوحاسين نفسكم صغيرين انتواعند اللى خالقكم حاجة كبيرة متفقدوش ايمانكم واحساسكم انكم انتوا اللى منبوذين مش عشان احنا شلن وهما جنيه يبقى احنا ولا حاجة ,,,,,,,,,,,,,,,,,, سلام

لماذا لا تشعر بى !!!!!!!!!

لماذا لا تشعر بى !!!!!!!!!

إلى متى سأظل إشتاق إليك

إلى متى سيظل قلبى معك

عندمايهفو قلبى إليك

لاأدرى مايحدث بى

أريد أن ألملم شتات نفسى

أريد أن أتنفسك

إنى أحبك ... ألا تعلم .. ألا تشعر

ألا تجد ذلك عندما تنظر إلى

أنظر إلى هاتفى آلاف المرات

أتساءل متى سأجد رقمك على هاتفى

تذيبنى اتصالات وتساؤلات عن حالى

أشعر باهتمامك يكاد يصلنى إلى الجنون

متى سيحدث ذلك؟؟؟؟؟؟؟؟؟؟

إنى أحبك ،، لماذ كل هذا الهروب منى

عندما لا أراك أتفحص صورك

أشعر باشتياق إلى ملامحك

فأرجوك لا تحذفها إنها ماتبقى منك

متى ستحادثنى ؟؟؟؟؟؟؟

هل تريد أن أنتظر حتى يمر بى خريف العمر

أتريد أن يكون الصمت هوحبيبى

أناديه وأتحدث إليه فهو يفهمنى عنك

ألا تعلم أننى أريد أن أرمى بهموم الدنيا إليك

أريدك أن تضمنى وأبكى بين ذراعيك

إنه ليس حلم ولا خيال إنها أمنية بل إشتياق إليك

إنها حقيقة بداخلى

شعور الوحدة يقتلنى ويعتصرنى بدونك

إحتاجك متى ستسمع الى قلبى وقلبك

أعلم أنك تحبنى فلماذا الهروب

سأنتظرك حتى تكتفى منى

سأنتظرك حتى أصل إلى مرحلة عدم الأمان معك

سأنتظرك حتى يموت بداخلى آخر إحساس إليك

يكفى عنادك وهروبك وإهمالك لى

فلا أعلم إلى متى سأظل أنتظرك

مفاهيم غلط

مفاهيم غلط

لواتمسكنا بأخلاقنا نبقى مش مؤدبين ومتخلفين ورجعيين

أصل الصح بقى غلط والغلط بقى صح

حاجة تفقع المرارة

لو عملت فيس بوك او لينكدان او اى لينك على النت وحد دخل يكلمك وانت متعرفوش

لوفكرت تعمله بلوك انت مش محترم

واحد مش عاوز تكلمه لا المفروض تكلمه غصب عنك

ولو مردتش يعملك اكونت تانى ويقولك انابرده هعرف اجيبك

دى مأساتنا احنا كبنات

نعمل ايه ايها الرجال !!!!

نقولكم ايه ،، احنامحترمين بالله عليكم

سيبونا فى حالنا

لواكتشفت ان اللى قدامك بيكدب وبيحور عليك

تتشتم برده

أخلاق المصريين ماتت

محتاجين نعمل ثورة عليكم

محتاجين نقولكم ان لسه فينا ناس محترمة ومتمسكة بالمبادئ

كفايا بقى ارحمونا

مادوروا على ناس شبهكم

احنا بتظلمونا ليه على الاقل خلوا فى باب بينكم وبين ربنا

انكم شفتوا ناس محترمة وسبتوهم ماذتهموش

وائذوا ناس زيكم

دى دعوة المظلوم لاترد

لا اله الا انت سبحانك انى كنت من الظالمين

دعوة بنقولها كلنا لاى حد

فكر يجرحنا او يضايقنا او يقرفنا على النت

كفايا خنقة بقى

شوية ألش

أناماشية على خط مستقيم وهو ينفع أصلا أمشى على خط مستقيم طويل ،، خلاص نخليه خط معوج ،، ياسلام!
كأنى ماشية برقص فى الشارع .... عيب عيب بلاها خطوط خالص

ايه ده .. ايه ده .. ايه اللى هناك ده ,,, زحمة جامدة جداً ،، هويوم باين من أوله ،، لسه مشربتش النسكافيه ولا اكلت بسكوت ،، يوووووووووووو ياسلام لويخترعوا تلفريك ويبقى باسمى وجنبى واصحى من النوم على فكرة انا لوجابوا كاميرا فى أوضتى هيلاقونى عاملة زى الريبورت اصحى من النوم ارمى البطاطين على الارض واقوم ادوس عليها وادخل اشطف وشى وادور على اللبس واكوى وانزل ياسلام بقى ،، لوصحيت من النوم وعملت كل ده وبدل ماانزل اتبهدل فى المترو ولا الميكروباص ادوس على زرار يودينى شغلى على طول وياسلام اقوله ودينى هناك فى خمس دقايق حسب الدقايق اللى انا متاخراها يعنى لوانا متاخرة عن الشغل ربع ساعة اقوله فى ثانية يااااااااااااااااااااااااا المهم فكرت أركب تاكسى ،، بس احنا اخر الشهر مش طالباها تناكة دلوقتى ،، خلاص أمرى لله أجى على نفسى وأركب ميكروباص وركبت بعد محاولات مستميتة كانى بلعب رياضة الجرى واشتغالات السواقين شوية هناك وشوية هنا ولا لما تسالوا رايح كذا كانه اطرش سبحان المولى او قرفان منك مش من مستواه يرد عليك اصلا ليه ،، حاجة تيت على الصبح ،، المهم ركبت وقعدت ،، جه واحد حليوة بيسالنى ويقولى هوده رايح كذا بكل تناكة رديت عليه وقولتله اه بس الأجرة بكذا ،، المهم قعد جنبى وبفتح خير اللهم إجعله خير الشنطة واقلبها يمين وشمال واطلع كمية المناديل الرهيبة والكروت والاقلام والبرفان ،، المهم قلبتها يعنى واكتشفت انى لاول مرة فى التاريخ انسى المحفظة ،، يانهارللو يانهارللو ،، اعمل ايه انا دلوقتى اقول للسواق اركن على جنب ،، الادرينالين ارتفع على الأخر ،، عارفين احساس غطا الكوكاكولا لما تفتح الغطا وترميه على الارض والناس تدوس عليه ،، مال الكوكاكولا باللى بقوله دلوقتى .... أنا أقصد إحساس إن الدنيا حر وخدودى احمرت وكنت قمر المهم عمالة اجمع فى اربع صغيرة حتى اكتمل المبلغ ولقيت الواحد الحليوة اوعوا تكونوا نسيتوه "وش مكسوف" المهم قالى خلاص كلنا بنتحط فى الموقف ده خلاص انا دفعت ولو عاوزة مبلغ تكملى بيه اتفضلى ،، طبعا الدم غلى فى عروقى تدفع ايه لا مينفعش خالص انا لقيت على فكرة ،، يقولى على فكرة صوتك عالى مينفعش الناس هتاخد بالها ياستى متضايقيش  ولا يهمك كلنا ساعات بيحصلنا كده ، قولتله على فكرة مش ينفع علقت بتاع 10ثوانى كده اعيد وازيد فى الجملة ووشى احمر وسكت وبصيت فى الشباك اعمل ايه دلوقتى فضلت ماسكة الفلوس فى ايدى ساكتة ومش عارفة اعمل ايه ياربى ايه اليوم ده ،، ايه المنظر ده ،، لا يفتكر انى نصابة ،، يو ياربى اعمل ايه ،، فضلت طول الطريق ،، من كتر احراجى حتى مشكرتوش ،، المهم قالى تانى والله بجد لومحتاجة فلوس خدى ،، الواد ده شكله بيجر ناعم ،، ايوه عشان تانى مرة ابقى انسى الفلوس " هى تحادث نفسها " قولتله لا مش هينفع "" الواد اتخنق وقالى بصى لو مضايقك الفلوس انزلى اديها لله لاى حد فى الشارع " للدرجادى شايفنى شحاتة " هى تحادث نفسها " المهم شكرته اخيرا وقولتله ميرسى لذوقك وروحت شغلى والحمدلله
الاستفادة من هذه المواقف ؟؟؟؟
1.ماليش دعوة اللى عاوز يركب ده رايح فين " انامالى " دع الخلق للخالق
2. بلاش تناكة
3. الواد الحليوة ازاى مكلموش كويس
4. منساش محفظتى تانى
5.اوعوا تحكوا الموقف ده لحد
6.لازم يخترعوا التلفريك
اهو كله بيعدى ،، يالا باى

هى والصمت

هى والصمت

هى كماتحادث نفسها ،، أسيرة لخيالها ،،  أصبح الصمت جليسها ،، تنظر إلى المرآة لترى علامات الزمن واثاره على وجهها تذكرت اخر لقاء لها مع إحدى صديقاتها وهى تشير بانها لم تعرفها ،، ماتراه منها اصبح بقايا إنسانة ،، بقايا ملامح قد تملك الحزن والألم منها ،،سألتها أين فقدتى ابتسامتك ،، لم تستطع أن تجيبها ،، هل أحببتى ،، هل تزوجتى ،، هل تعملين ،، أسئلة وفضول قاتل يعتصر الناس ،، سؤال بداخلها للعالم ،، لماذا العالم لايريد أن يتركها بحالها وإن لم يفعل متى ستترك هى حالها من هذا العالم ،، وتبكى وتتقوقع مع نفسها ،، أشباه ... أطياف بشر قابلتهم بحياتها شريط وذكريات وتسجيلات لمن رسم الابتسامة ولمن ترك الحزن بداخلها ،، تألمت حتى مل الألم منها وأصبح جزء من كيانها ،، تتذكر حالها تتذكر أنها لم ترى الكون إلا بلون وردى ترسم دائما لمن تقابلهم الصورة المثالية لم تكن تضع للعالم حسبان لم تضع هم بداخلها كأن هناك من يؤذيها ويستغلها ولمن تكن تشعر بذلك لإنها انسانة اقرب الى الكمال عندما تبتسم كأن العالم معها يبتسم لم تكن تطلب شئ لم تكن تحلم بشئ كل ماكانت تريده الامان ومن يدنومنها ويضع لمسات الحنان عليها ،، كثيرا ماكانت تحلم بفارس تخيلت سوبرمان زوجها ويطير ويلف العالم بها اختارت واحد من المغامرون الخمس ممن كان يقال عليهم "باور رينجرز"واختارت الأحمر لم تختار الأخضر مثل معظم زميلاتها لانها تريد حياة بسيطة تريد أن تحيا حياة بسيطة بعيدة عن الضوضاء لا تحب مايحبه العالم هى تريد ان تكون مختلفة بعض الشئ ،، تمر الايام ومازالت على حلمها إلا ان دخلت الجامعة وقابلت عالم اخر احبت ولم تعرف اذا كان هذا حب ام لا لم ترد الخروج او الاستمتاع كل ماتريده الامان وكل من قابلتهم لم يكن يريدوا الامان هل هذا حظها العثر ام ماذا؟؟؟؟؟ اختارت ان تنجح وتثبت نفسها فى هذا العالم الذى لا يعترف بكينوناتها وارادات ان تترك قلبها وتؤجل الحب اذا صادفته ستكتمل سعادتها وان لم تصادفه فهذا حظها العثر واصبحت السحابة السوداء تطل فوقها وتدمى مواقف ترفعها الى اعلى السماء ثم تقذفها مرة واحدة الى اسفل قاع الارض فيتبقى منها الألم لينتزع ويجرى بعروقها ويصبح كائن فضائى محتل بداخلها يوجهها ويفقدها اتجاهاتها عملت بمجالات كثيرة وتنقلت هنا وهناك لم تشعر بشئ فكأنها فراشة تتحرك من غصن إلى غصن حتى وقعت اسيرة لحب فتى لم يكن لها اسمعها معسول الكلمات واشار انه لم يقصد شئ وكان اخر حوار لهم انها ترجمت الاحاسيس والكلمات بشكل خاطئ فتركت عملها فلا تريد ان تراه وتالمت وتالمت اكثر لماذ يحدث لها هذا والتحقت بعمل اخر واقترب منها شخص لم تكن تكن له شئ وحاول الاقتراب ولم تردفهو ليس كامل الرجولة بنظرها لا يبتسم الا بحساب ولا يدفع الا بحساب وغيرت عملها مرة اخرى واخذت تتالم وتقابل اصدقاء منهم من يترك الالم بداخلها وللاسف ترى هذا بعدمايكون حبهم قد تملك منها وتعطى لهم الامان وتنصدم وتقابل وتعطى ولم تفقد ايمانها وحبها لكل الناس عندما ترى عينيها تجد كأن العالم بحنانه تجمع فى عيونها تحمل نسمات حب لكل شخص بيدها تستطيع ان تكون سفيرة للنوايا الحسنة لكل العالم فمن يسمح لها بذلك،، إن مايدميها ان العمر مر بها اصبحت تخاف من الزمان من الناس من ان ترى صدمات فتقتل ماتبقى بها وأفاقت على صديقتها عندما كانت تذكرها لماذا لا تبتسمى فردت واشارت لعل الزمن قد ترك اثاره على ملامحى وروحى المرحة وتتركها صديقتها على وعد بلقاءها ولكنها تعلم انها ستكون اخر مرة تراها مثلها مثل غيرها يشغلهم الزمان وأناس اخرين لا تريد ان تتحدث بداخلها بركان من الدموع لوانفجر لسيطر على بحار العالم واحدث فيضانات إلى متى ستظل تتألم عندما أراها أريد أن أمسح الدموع من عينيها أريد أن اقول لها مازلت بجانبى لا تبكى ولكنها لاتبكى تبكى بكاء داخلى لا يراه سواها او من يعرفها تبتسم وهى تحاول الابتسام ضحكات ممزوجة بالالم تريد ان تقول للعالم كفى كفى اريد ان ابتسم اريد ان يضمنى العالم إلى متى ..............

هى وأشياء أخرى

هى وأشياء أخرى

هى : أنثى تتمتع بكل مقومات الجمال وجهها يحمل براءة الايام،، شعرها يسدل على كتفيها ويتطاير مع أحلى الأنغام ،،عيونها تحمل الكون بأجمل معانيه ،، شفتيها غرام يذوب فيه العليل ليشفى من الألم ،،أنفاسها .. ضحكاتها ،،إيماءاتها تتراقص مع أنغام الصباح لتغرد لنا

هى ! هى ضمير الغائب هما ،، هم ،، هن ،، هؤلاء

هى ! هى ضمير المتكلم:أنا ،، نحن

هى ! هى ضمير المخاطب :أنتى – أنتما – أنتم - أنتن

هى ! هى نون التوكيد لماتبقى مشددة ونون النسوة عشان تكلم عننا

بشكل مبسط هى " نحن أيها النساء"

لوقمت بوصفها فهى كائن رقيق شفاف كلما أحسنت معاملته أعطاك أكثر فأكثر

هى وأشياء أخرى صرخة تعبر عما بداخلنا عمانريد عمانشاهد عمايحدث من حولنا صورة تصف جزء مما نراه ونشاهده ،،ممانتألم مما لا نستطيع أن نبوح ونعبربه عما بداخلنا

هى أيها الرجل ليس تحاملاً عليك فهى أول ماخلقت خلقت من ضلعك ؟ أتعلم لماذا؟ لإن الضلع هو الذى يحمى القلب لان الله خلقها لتحمي القلب وهذه هي مهنة حواء حماية القلب لذلك خلقت من المكان الذي ستتعامل معه بينما ادم خلق من تراب لانه سيتعامل مع الارض  !!!!
لقد أثبت الطب الحديث انه لولا ذاك الضلع لكانت أخف ضربة على القلب سببت نزيفا..
فخلق الله ذاك الضلع ليحمي القلب ... ثم جعله اعوجا ليحمي القلب من الجهه الثانيه .. فلو لم يكن أعوجا لكانت أهون ضربة سببت نزيف يؤدي حتما الى الموت 
لــذاعلى ادم ان لا يحاول اصلاح ذاك الاعوجاج لانه وكما اخبر النبي صلى الله عليه وسلم ان حاول الرجل اصلاح ذاك الاعوجاج كسرها ..
ويقصد بالاعوجاج هي العاطفة عند المراة التي تغلب عاطفة الرجل
فالمرأة سماتها العاطفة ،، المرأة هى أمك ،، أختك ،، جدتك ،،زوجتك ،،إبنتك ،، حماتك .....
حيث يقال ان الرجل حين يتألم يكره... بعكس المرأه التي حين تتألم تزداد عاطفة وحبا...!! فلو خلقت حواء من ادم عليه السلام وهو مستيقظ لشعر بألم خروجها من ضلعه وكرهها ، ،، بينما المرأه تلد وهي مستيقظه وترى الموت امامها ، لكنها تزداد عاطفة وتحب مولودها بل تفديه بحياتها ،، لم تخلق المرأة أيها الرجل من رأسك لئلا تتعالى عليها ولا من رجلك لئلا تحقرها

بل من ضلعك لتكون تحت جناحيك لتحميها لتقربها إلى قلبك فتحبها وأنا هنا أحاول أن أوصل وأناقش معك أحاسيسها.
قد قال شاعر مرة يتضجر من المرأة :

إن النساء شياطين خُلقنّ لنا --- نعوذ بالله من شر الشياطين

فردت إحداهن فوراً :

إن النساء رياحين خُلقن لكم --- وكلكم يشتهي شمّ الرياحين

أولا: إذا كان الرجل لا يزال عل قيد الحياة قيل : "هو ‏حي ". ‏أما إذا كانت المرأة لا تزال على قيد الحياة قيل " إنها !!...‏حية !! "
‏ثانيا : إذا أصاب ‏الرجل في قول أو فعل قيل: "هو ‏مصيب "أما إذا أصابت المرأة في ‏قول أو فعل قيل" أنها ‏مصيبة " !
ثالثا: إذا تولى الرجل منصب القضاء قيل " هو ‏قاض " ‏أما إذا تولت المرأة منصب القضاء فيقال : "إنها ‏قاضية " ...!! تنفسوا قليلاً ولا تخافوا فهو اسم فاعل من القضاء بين المتخاصمين !! والقاضية هي المصيبة العظيمة التي تنزل بالمرء فتقضي عليه
رابعا: إذا أصبح الرجل عضواً في أحد المجالس النيابية قيل : "‏إنه ‏نائب ‏ " أما إذا أصبحت المرأة عضوا في أحدا لمجالس النيابية قيل : ‏إنها نائبة ...!!! تنوب عن المجتمع في شرح قضاياه والدفاع عنها ! وهذا شيء رائع ، فلماذا يقولون : إنها من النواب والعياذ بالله ؟!

‏ خامسا : إذا كان للرجل هواية يتسلى بها ولا يحترفها قيل : " هو هاو يطير فكركم نحو أحد أسماء جهنم .. والعياذ بالله ..! للكاتب الدكتور عثمان قدرى

ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

 

أيها الرجل لماذ التجنى على المرأة ،، أعلم إن الإسلام عظمنا وأشار " إن كيدهن عظيم " مع إن كيد الشيطان كان ضعيفاً ولكن ذكرت سورة كاملة عن النساء ،، فما أحلى هذا التكريم

قيل أننا ناقصات عقل ودين ،، بأبسط رد أليس دينكم ناقص ولا يكتمل إلا بدوننا

إن الرجل يتسم بصفة العقل والمرأة بصفة العاطفة "وخلقناكم أزواجاً لتسكنوا إليهم "

لماذا لا تنظروا اليها على أننا وجهان لعملة واحدة ،،نسرى معاً فى الطرقات ،، يجرفنا تيار واحد يسير بنعومة ويستمتع بأشعة شمس وبتغريدة عصفورة ،، تارة ينجرف بيهم التيار أو يواجه فيضان أو شلالات مثل الحياة تأخذنا وتعطى لنا إنها هى أيها الرجال

 

ملاكى حرف ايه ؟؟؟؟؟؟؟؟؟؟؟؟؟؟؟؟؟

من عاداتى كل يوم التأمل فى كل شئ من حولى ،،كطفل صغير يتطلع إلى دنيا لا يعلمها ! لا يفهمها ؟؟؟؟ النظر إلى السماء تارة ،، النظر إلى سريان المترو على القضبان بهدوء وإمساك سائق القطار بزمام الأمور والنظرة المتعالية عند دخول المحطة ،، كأنه يريد أن يقول لا تقلق ،، إننى أمسك بزمام الامور وسأصل بك غلى بر الأمان ،، لهو الأطفال الصغار فى الشارع ،، لمسة أم ،، ضحكة طفل ،، إلى أن لفت نظرى عشرات السيارات التى تمر بالطرقات و؟؟؟؟؟؟؟؟؟؟؟؟؟؟؟؟؟؟؟؟؟؟؟

ملاكى حرف إيه ؟؟؟؟

انتوا عارفين اللوحات المعدنية اللى موجودة على اى عربية لقد اكتشفت ان هناك دلالات لها يعنى القاهره تاخذ 3 حروف و 3ارقام والجيزه تاخذ حرفين و 4 ارقام وباقي المحافظات تاخذ 3 حروف و 4 ارقام والارقام تبدا من الشمال يشير الي المحافظه بمعني ان القاهره تاخذ حرف (أ) والحرفان الاخران عباره عن متواليه عدديه للارقام بمعني ان البدايه ستكون علي الارقام من 111 الي 999 علي الحرف ( أ ) وبعد استنفادها سيتم تكرار نفس الارقام علي الحرف ( ب ) ثم ( ج ) وهكذا ..، واللوحات الجديده تستخدم الالوان لتحديد هويه السياره فاللون الازرق للملاكي واللون الاحمر للنقل واللون الاصفر للاجره واللون الاخضر للهيئه السياسيه.

أنا بقى كمان لفت نظرى الحروف إنك لوقعدت تبصلها ممكن تكون منها جملة زى مثلا صبر ،، غم ،،رصب ،، لدرجة انى مرة لقيت جملة ايسر وجنبها عربية مكتوب عليهاجملة رسيا ،، نفس الحروف بس من اليمين للشمال ،، الاغرب إنهم نفس الحروف وموجودين جنب بعض فى نفس التوقيت واللى يفرقهم عن بعض ان كل عربية راحت فى اتجاه ومن ساعتها بقيت اركز فى الحروف واقراها وبقيت اضحك مرة الاقى غم على هم على الم على امل كلمات لودققنا فيها هنضحك لمايكون عندى مشوار طويل بفقت تسليتى واكتر حاجة ضحكتنى انى مرة لقيت فى منتدى حد مصنف الحروف على اساس مواقف زى مثلاً

ك ح هـ : اقرب مستشفى لو سمحت
عط س = يرحمك الله
ط ر ب = فر قه شعبيه لجميع الأفراح
ق ل م = حبرولا رصاص
ج ر ب= انتبهوا لايعديكم
ا ح ب = طيب وأيه المطلوب منا؟

ج ب ن = سيارة توصيل طلبات لمطعم اتصل نصل؟؟؟
ل ب ن = جهينة ولابخيره

ب ك س = ليه ..؟ محمد على كلاي

ع س ى = سيارة مدرس قواعد لغة عربيه على فكره يدرس خصوصي
ض ر ب ج م ع ط ر ح = سيارةمدرس حساب

ق م ر = احلي لوحة سيارة .. بس تعتمد على اللي راكب فيها

غز ل= لا عتاب 

غ ن م = ماعز ولا خرفان 

و هـ ن = هذا حبيب ......وغارق بالرومانسية
أ م ل = الله يكون بعونه لان زوجته مش هاتسيبه إلا لما يغير اللوحة
ز ع ل = اخبط راسك بالجدار !!!!! 

د ح ب = لا ده هزار !!!! .
اضحكوا من قلبكم الدنيا جميلة مش مستهلة ،، لوده جنان اتجنن................................