ريموت كنترول

ريموت كنترول

دائما نشرد بأذهاننا ونشعر بشئ من الخوف ،، نشعر بفقدان شئ ما !!!! ماهو لا أعلم .....

نريد الانعزال عن العالم ،، كلاً منا يمر بهذه المرحلة ،، نحتاج أحياناً إلى يد تلمس علينا تشعرنا بالدفء ... قديكون هذا هو الشعور أو يد ما تطبطب على قلوبنا ....

كل منا يشعر كأننا مثل اللذين رقصوا على السلم .. لا قدروا يطلعوا فوق ولا قدروا ينزلوا تحت ،، من منا لم يشعر بألم ،، من منا لم ينتابه احساس انه ثابت فى مكانه مش عارف يخطو خطوة للامام او يعاود الرجوع مرة اخرى للخلف ويدلف الى الوراء .. اصله مينفعش ... اسمحولى هكلم باللغة العامية

مينفعش بعد ماطلعت الخطوات دى انزل تانى مينفعش طب اطلع فوق بس ، فوق عالى عليا اوى هقدر ولا مش هقدر طب هومفيش حد جنبى يقدر يساعدنى مفيش حد ياخد بايدى ويطلع معايا سلمة سلمة ولا هفضل لوحدى واقف فى مكانى مستنية ياموجة هواء شديدة تزقنى ياريح قوية بس ممكن اقع ولو وقعت هنكسر ولو انكسرت صعب اتصلح وارجع تانى .

يالله انه شعور الياس الذى ينتابنا من آن إلى اخر لا نرى منفذ للحياة كانها ممر ضيق نمر فيه طويل شاق متعب يشبه اللون الرمادى ،، من منا لم يقف لكى يتلمس خطواته من منا لم يسأل نفسه هل أنا فى الطريق الصحيح أم الخطأ ،، من منا لم يلقى أخطائه على الاخرين ،، من منا لم يحادث نفسه ا " ايه الحظ النحس ده " - نعيب زماننا والعيب فينا ... وما لزماننا عيب سوانا ،

أصل فلان السبب لومكنش مشانى من الشغل كنت وصلت ،، اصل فلانة بتقول عليا كلام مش صح ،، يوووووووووووووو اشمعنا انا ياربى اللى بيحصلى كده ،، لا ده فلان بيغير منى ،، هوالمدير ده بيزعقلى كده ليه واشمعنا مش بيزعق لده ... إنها النفس البشرية التى يصعب دائما فهمها !!

مفيش حد من اصحابى بيسمعنى كل واحد بيبقى عاوز يحكى همه وحد يسمعه ومش مهم اللى قدامه ،، كل اصحابى مش بلاقيهم لما احتجهم ،، إحساس إنك تقف جنب حد وتساعده وتوقفه على رجليه وهو اصلا مكنش حاجة وبعد ماتطبطب على قلبه وتساعده يتفرعن واول حد فكر يدوس عليه هواول حد مدله ايده هو أنت نعم ،،،،

كم مرة وثقنا فى اشخاص ،، كم مرة اتمنينا الموت عشان مش قادرين نستمر فى الحياة دى ،،

كم مرة قولنا اصل انا لومعايا واسطة كنت وصلت وبقيت ايه ....... لوانا معايا كذا وكذا كنت بقيت ايه اصل الدنيا مظاهر  ،، وعشان انا مش معايا كذا وكذا  يداس عليا ....

موازين غريبة وناس أغرب ،، اكيد قابلتوا ناس غلط فى وقت غلط فى ساعة غلط فى يوم غلط ،، كم مرة سالت نفسك يااااااااااااااااا لوكنت قابلت الناس دى فى بداية حياتى كانت حياتى اختلفت ،، كم مرة قولت لنفسك او شفت بعينك ناس ملهاش شغلة غير انها تنقل الاخبار للمدير ومع انها لاعندها قدرات ولا خبرات بتوصل وبتاخد مرتبات وانت بيداس عليك عشان ماشى بمايرضى الله ....

قعدت فكرت كتير طب ايه الحل ،، ايه ده ؟؟؟؟؟؟؟؟؟؟؟؟؟؟؟؟

قولت اجيب ريموت كنترول ،، تخيلوا معايا كده لوكل واحد معاه ريموت كنترول بتاعه

ريموت كنترول فى زرار باك للرجوع للخلف " هرجع حاجات مكنتش عجبانى فى نفسى واغيرها وهرجع لحظات حلوة مريت بيها وامشيها بالبطئ هعيد ترتيب المواقف واغيرها هدوس على ديليت "زرار الحذف" واحذف كل لحظات الالم اللى حستها هحذف كل الاشخاص اللى شفتهم واثروا عليا بالسلب هدوس على زرار الجرى وهسرع فترات الامتحان كانت بتعملى قلق جامد جدا ،، هدوس على زرار الامام عشان اشوف ايه اللى يحصلى قدام حاجات كويسة فتدينى دفعة وابطل حالة الاحباط وهبص على كل ارقام الريموت وهرقم كل رقم حسب ترتيب اولوياتى ،، كلنا عارفين تسلسل هرم ماسلو للاحتياجات

بس انا هختلف معاه هرقم رقم واحد حسب اولوياتى انا براحتى بقى هرمى وانا حرة فيه ،، المهم كل واحد يرقم حسب ماهو عاوز ماهو الريموت كنترول بتاعكم نسيتوا ولا ايه ؟؟؟؟
مثلا الشغل رقم 2 مثلا الدراسة رقم 3 الاهل 4 الاصدقاء وهكذا كل رقم هيكون ليه مدلول عندى وهكذا ياااااااااااااااااا ريموت السحر هيغيرلى كل حاجة هقدر اتحكم فى حاجات كتير بس لو الريموت ده ضاع وحد غيرى لاقاه واتحكم فى حياتى ولا الريموت اللى معايا باظ من كتر الاستعمال من كتر مابدوس اغير حاجات واشيل واقدم اقدر اجبله قطع غيار ،، اسئلة كتير ملهاش حصر ولا عدد طب هومين اللى بيتحكم فى حياتنا دلوقتى مش انا وانت وكل واحد فينا المشكلة فينا احنا ،، اناعارفة ان كل واحد فينا سأل نفسه هى ليه الناس مبتحسش بقيمتنا غير لما خلاص نكون ضعنا منهم والقلب اتملى تراب منهم ،، عارفة السؤال هتقولوا اشمعنا فى ناس حياتها حلوة ومبيحصلهمش ربع اللى حصلنا مع اننا شايفنهم من بره انهم عاديين ،، الرد سهل محدش فينا دخل حياتهم شايفين براويز من بره جميلة وحلوة بس محدش دخل جواها وشاف ايه اللى هما فيه ،،، الرد بسيط

الله " موزع الارزاق مدينى ريموت كنترول ،، رادار جوانا يقولنا اللى بنعمله ده صح ولا غلط ... الضمير

معتقدش اى حد فينا قبل مايعمل اى تصرف بيشوف ده يرضى ربنا ولا لأ ممكن يجراله حاجة وحشة الا لو كان اختبار للصبر والابتلاء

طب نبصلها من وجهة نظر تانية انا كويسة ومبنامش ومبفكرش انى أأذى حد بيحصلى كده ليه ،، طب منقولش ليه حالنا احسن من ناس تانية منقولش على الاقل احنا بناكل وبنشرب وبنشتغل وفى غيرنا عايش على حاجة واحدة بس طب ماتيجى نفكر بشكل تانى واحنا فى لحظات الاحباط نجيب ورقة وقلم نكتب نفسنا نعمل ايه السنادى نتوكل على الله ونقول هنعمل كذا وكذا وكذا اكتبوا اى حاجة شايفينها سهلة تتحقق وحاجات مستحيل تتحقق

وحطوها فى الدرج فى اى حتة بس مكان تعرفوه وتعالوا بعد كام شهر شوفوا حققتوا قد ايه من اللى كتبتوا ارسموا حلم لصورة عاوزين تحققوها صدقونى فى لحظات الضيق هتفتكروا دايما الصورة دى هيفضل عقلكم مربوط باللى كتبتوا ومشغول انكم تحققوه وحتى لو لقيتوا نفسكم محققتوش حاجة اكتبوا تانى اهداف او حتى نفس الاهداف بس حطولها تاريخ يعنى بعد 3 شهور عاوز اخد كورس كذا خلال سنة اخلص قراية 100 كتاب وان شاء الله هتحققوها وادعولى ....

لا الحزن بيدوم ولا الفرح بيدوم ماهى الدنيا احنا عايشين فيها ضيوف مش اقامة يا نمر عليها مرور الكرام ونسيب بصمة يانفضل تايهين

اوعوا تنسوا ان ربنا موجود وقادر يطبطب على قلب كل موجود سبحانه وتعالى رب العباد

كلنا بنمر بنفس المشاكل بس فى ناس بدوس على الالم وبتحوله لأمل

بحبكم عشان انا منكم وليكم
معلش هكمل وقت تانى ماماعاوزانى انام عشان ورايا شغل بكره .....

SMS

الو SMS

ايوه

والله هكلمك بعد مااخلص الشغل

الو

ايوه معلش

نمت

مش تزعلى

طب مش فاهمين ده ايه

دى رسايل اس ام اس على ماى فون

كل واحد يجرب كده ويفتح موبايله ويدرس حالته فى الشهور الاخيرة وهو مقصر مع مين وامتى اخر مرة بعت رسالة لحد

اجمل  حاجة اس ام اس ممكن ناس فى حياتنا نبقى لسه مكلمنهم ونفتقدهم وتبقى اخر حاجة منهم الرسايل لوالقدر خطفهم مننا دايما الرسايل هتفكرنا بيهم وهتفكرنا دايما باللحظات دى والرسايل مرة هنضحك عليها مرة هنبكى منها بس هنفتكر فيها اوقاتنا اللى فاتت .....................

رسالة من رقم مش عارفاه كانت بتاريخ 5 مايو 2011

بتقول :-

ربنا يخليكى ليا اجمل وارق اخت فالدنيا واشوفك فى احسن حال يارب دايما

رسالة بتاريخ 7 يونيو 2011

Thank u so much I really appreciate ur effort thanx a lot I got ur mail

والرد

No problem and thank you for your respect

من حد معرفهوش برده

رسالة انابعتاها لمديرى القديم

صباح الخير معلش انا هاجى على 12 لانى صحيت متأخر ونمت متأخر

واحد زميل ليا كان فى مستشفى وبيقولى

I have been transferred to room No.625

رقم معرفهوش رسالة بتقول:-

This is a missed call alert from >>>>>>>>>>>>>>>>>> at 04/08/2011

11:08

رسالة لصحبتى بتاريخ 7أغسطس 2011:-

متزعليش منى ياسارة انا خايفة اوى من البرزنتيشين... ادعيلى

ردت : ولا يهمك ياحبيبتى .. المهم انتى بس شدى حيلك

رسالة بتاريخ 29 اغسطس 2011

يارب جنة بلا حساب ودعاء مستجاب وعيدمبارك على الاحباب عيد سعيد يارب

الرد:

قبل ماتنشغل الخطوط والشبكة تصبح اخطبوط طوط طوط كل عيد وانت مبسوط

جوز اختى بتاريخ 30 اغسطس 2011:-

ختم الله شهركم بالغفران والعتق من النيران وتقبل الله طاعتكم واتم بالعيد فرحتكم

الرد: اهديك عطر الورود والوانه وارسل جواب انت عنوان واهنيك بمقدم العيد وايامه

هبة صحبتى بتاريخ 31اغسطس 2011:-

سورى ياحبيبتى الجهاز بيهنج مش عارفه ماله

دينا ادارة عليا "انامسمياها كده عشان الاسامى المكررة "عندى مشكلة فيها بتاريخ 1 سبتمبر 2011:-

تاخرت بحثا عن كلمات تليق باحبابى فوجدت ان حبهم لاتقدره عباراتى وايقنت ان الدعاء لهم افضل تحياتى "عيدسعيد"

رسالة لواحد زميلى بتاريخ 29 اغسطس 2011:-

معايا تليفون

جهاد صحبتى اغلب الوقت بتبقى عاوزة تطمن عليا بتاريخ 6 سبتمبر 2011:-

Tamneny alaa mama akhbaraha eh?ana asfa eny maklemtekesh embareh atamen laeny roht embareh mayeta ana batesel aleky fel maktab mesh betrody?

مدام سحر بتاريخ 7 سبتمر 2011:-

Ok dear.Alf Salama 3aleki

واحدة صحبتى بتاريخ 10 سبتمبر 2011:-

Ana hategy el sabt leh wa7ashtek

عشان ايجى اس اى ياباردة تصبحى على خير

راسلة انابعتها تبع الشغل بتاريخ 12 سبتمبر 2011:-

I need to stamp the JD of P.T thanks

رسالة الى مجهول بتاريخ 18 سبتمر 2011:-

Plz call once you are free ,Thanks

Iam in a meeting I will call y back

رسالة بتاريخ 27 سبتمبر 2011:-

انابحاول اكلمك قافلة موبايلك ليه كل سنة وانتى طيبة وعقبال مليون سنة انا لسه سايبة الشغل ومروحة حالا عشان معرفتش اكلمك الصبح بون ووى ماى

رسالة بتاريخ 1 اكتوبر 2011:-

انا فى المترو اهمدى بقى

رسالة لدكتور مازن :-

مش فاهمة

Facebook

رسالة من اختى بتاريخ 3 اكتوبر 2011:-

هاتى حاجة ساقعة وعلبة فول وعلبة طحينة وعيش

رسالة لواحدة صحبتى برده بتاريخ 4 اكتوبر2011:-

لارضاء زوجك تعلمى :-

صبر الجمل

هدوء السلحفاة

صمت الفيل

وهز روبى

رسالة بتاريخ 17 اكتوبر2011:-

واحدة وحشة اوى ببتخانق مع واحد بتقوله ياخى والمصحف لوكنت جوزى لاحطلك السم فى القهوة ،، قالها ياشيخة عليا الطلاق لوكنت جوزك لاشربها

رسالة بتاريخ 19 اكتوبر 2011:-

اتغيرت مواعيد الباص خلاص بقت من 8

رسالة بتاريخ 23 اكتوبر 2011:-

Ah ya benty 5alsty

رسالة بتاريخ 26 اكتوبر2011:-

ID 4 fatma el shaf3i

رسالة بتاريخ 18 نوفمبر 2011:-

رانده

انتى نمتى

رسالة بتاريخ 18 نوفمبر برده 2011:-

ردى ياماما انا احمدعادل

رسالة بتاريخ 20 نوفمبر2011:-

Welcome back ya fandm,nawrty el makan.lazm ashofk bokra abl ma amshy isa

وهكذا سيل من الرسايل

اللى يضحكنى واللى يفرحنى اللى يدعيلى واللى يشتمنى واللى يعيد عليا واللى معرفش عنهم حاجة واللى اغلب الرسايل يتضمن

منى انارانده

اتاخرتى كده ليه ؟

شيلى الكى بى ايز بتاعة المراجعة

هتاخر ساعة

اناحطتلك الفلوس على المكتب

عميلنا العزيز رصيد نقاطك الحالى :470 يتم اضافة نقاطك الجديدة مع بداية كل شهر

Send your cv

انتى وحشتينى اوى

387

مش عارفة الكود اللى فوق ده ايه

ياباردة ردى انا واقفة بره

كلمنى شكرا

هاتى 2 كيلو بصل وكيس ملوخية

هذا الرقم حاول الاتصال بك مرتين

اجى ولا هتمشى

اناسها كلمينى

اصل مبردش على ارقام غريبة ومجننة اصحابى بالموضوع ده

يارانده عزاء د.مجدى فى دار مناسبات الهدى "الله يرحمك"نعم الاخ

ايه ياامانى انتى فين وحشتينى

اصبرى وهنزلك .. ميس يو لمياء

بعتلك رسالة بصوتى

خلاص احنا على ميعادنا بكره بعد الشغل

كل عام وانتم بخير جعل الله ايامكم كلها سعادة وغفر لكم ما تقدم وماتأخر

صاحية ولا نايمة

والله ياسلام اناراجعة مبسوطة جدا

انا فى محاضرة

ماشى ياريم خليكى فاكرها

I need t meet u tday

ياابنى طمنى مامتك عملت ايه

ثوانى وهكلمك

طبعا انا اختصرت اختصار شديد جدا فى الرسايل واخدت اخر سطر من كل رقم بجد بحبكم يااصحابى وياخواتى وياغلى حاجة عندى كل لما اشتقلكم ياهكلمكم ياهقرى رسايلكم

والسلام ختام

الفرانكو اراب

الفرانكو اراب او franco arab

مساء الخير ياحلى فانز

لغة الفرانكواراب لغة جديدة فى الشات بدل مانكتب بالعربى جايز الكى بورد عطلانة فبدل مااحمل ويندوز من اول وجديد عشان احمل اللغة العربية ففى حاجة احسن انى اكتب بالانجليزى عربى اهو ده اللى بيعلموهولنا فى الاستراتيجيات كيفية استغلال وتوفير الوقت

انا طبعا لغاية دلوقتى لوحدسالنى بتعرفى تكتبى وتستخدمى اللغة دى والى اى درجة الاجابة ستكون بالنفى  جايز بكسل اكتب ،،مش عارفة ،،جايز اصحابى مش زهقوا منى وقالولى بطل العربى ده!!!!!!!!!

المهم تكتبها عربى ،، فرانكو اراب ،، ران ارابيك " لغتى الجديدة " هعرفكم عليها بعدين وران نسبه الى اسمى على فكرة انا حرة حد عنده اعتراض .......... >:(

اللى لفت نظرى ان فى باحثة مصرية تدرس في قسم اللغويات بجامعة لانكاستر في بريطانياعملت  استبيان  للحصول على درجة الدكتوراه عن دراسة التغير في الأدوار وموازين القوى اللغوية في مصر اليوم

البحث كله جميل بس لفت نظرى كذا سؤال منهم :-

ما مدى ثقتك في استخدام اللغة العربية الفصحى؟

ثقة تامة ثقة عالية ثقة نسبية ثقة محدودة غير واثق أبداً محادثة كتابة تفتكروا الواحد يجاوب ويقول ايه هسهلهالكم يعنى اروح المترو اقول – من فضلك أريد تذكرة ذهابا إلى محطة كذا كذا: يعنى انا مش عاوزة اقول اسم المنطقة بس فيمامعناها على سبيل المثال

إلى أي مدى تستخدم اللغة العربية الفصحى في حياتك اليومية (مع استثناء الشعائر الدينية)؟

دائماً كثيراً أحياناً نادراً أبداً محادثة كتابة والله الحقيقة مش اعتراض على اللغة بس باستخدمها مع بابا مع مديرى لكن بقية الشعب اللغة العامية عشان هى الاقرب الى القلب

ما مدى أهمية إجادة اللغة العربية الفصحى في عملك؟

أهمية قصوى أهمية كبيرة أهمية نسبية أهمية محدودة غير مهمة أبداً محادثة كتابة مهمة جدا عند كتابة التقارير بس التقارير بكتبها بالانجليزى طبعا دى مش تنفع اجابة

إلى أي مدى تستخدم اللغة الإنجليزية في حياتك اليومية؟

دائماً كثيراً أحياناً نادراً أبداً محادثة كتابة بشكل يومى

أصبح من الممكن مؤخراً رؤية "الفرانكو-عربي" بشكلٍ متزايد في شوارع القاهرة. وأحد الأمثلة على ذلك هو استخدامها في إعلانات الأفلام. ما هو شعورك حيال ذلك؟

أتفق لا أتفق أظن أن هذا مسلٍ وعصري أظن أن هذه طريقة عملية لكتابة العامية المصرية أظن أن هذه مجرد موضة وسرعان ما ستندثر لم أكن أدرك هذا أظن أن هذا يشكل تهديداً للغة العربية لا يهمني هذا الأمر

جاوبوا انتوا بقى ،، كل شوية انا اجاوب

المهم عجبنى البحث دا جدا من انتشار لغة الفرانكواراب وقعدت اسال نفسى هوفعلا ممكن يتقضى على اللغة العربية كتابتا فقلت طب مااخترع لغة تانية مثلا / عليكم باتباع الاتى :

Ctrl +Shit+left

يعنى كنترول شفت شمال

وتتاكدوا ان تحت شريط اللغة انجليزى

,paj,kn h,n la rh]vm l;jfan ,hydf uk;l ;jdv

ننزل بالترجمة :-عليكم بتتبع كل حرف :-

, يعنى واو وهكذا

يعنى وحشتونى اوى مقدرش اعيش من غيركم

اسهلها !!!!!!

تانى كنترول شفت شمال

Uhlgdk hdi

Hdi: ترجمتها ايه

عاملين ايهههههههههههههههههههه

شفتوا لن نستطيع الاستغناء عن اللغة العربية كتابتا وهتبقى لغة سرية جدا ومحدش هيعرف انت بتكتب ايه

يعنى لو عاوز تقول للبنت اللى بتحبها بحبك ولا الجن الازرق او مين  معدى من جنبك يعرف انت كاتب ايه

Fpf; دى كلمة بحبك

وكمان ايه لوجيت تروح فى البحث فى جوجل وكتبت كده  a;gih fh/j

هيطلعلك كتاب شكلها باظت لعمر طاهر

تعالى اكتب بقى الفرانكواراب ولا حاجة هتطلع مش قولتلكم

نرجع تانى لغة الفرانكو لغة جميلة منكرش ولسه بحاول اتعلمها واكتب بيها بس هتعلمها مش هكتب بيها لان بحب اشوف الكلام العربى قدامى اصلها لغتى بحب اشوف الكلام مكتوب كده.

لمن يريد ان يتعلم لغة الفرانكواراب بمعنى اوضح للى زى حالاتى لسه بيتعلمها :-

2 = أ ( او همزة او ق بس اللي بتتنطق أ مثلا كلمة قولي 2oly )

3 = ع

5 = خ

6 = ط

7 = ح

8 = ق

9 = ص


بجانب بعض الاخصارات زي عشان او for بتتكتب 4 بس

مثلا كلمة great تتكتب gr8 الان ال 8 (eight)...

thanks............... thnx


مثلا على الماسنجر وحد قاك brb دي معناها ثواني وجاي يعني be right back

والمفروض يكون ردك عليه tyt يعني take your time

your= ur

you = u

how are you = how r u

غ = '3

خ = '7
wht = what
wb = welcome back

i dun think sooo = i don't think so


np = no problem
i luv u = i love you
وهكذا بس هيكون في الكلام عربي وانجلش الاتنين موجودين ولكن الاختصارات بتكون مستخدمة بكثرة

الكلام كتير ومش بيخلص اقولهالكم بالفرانكو اراب

Elkalam keteer we msh be5ls

بحبكم جدا والى لقاء اخر