ياريتنى كنت لسه صغيرة

ياريتنى كنت لسه صغيرة

مفيش حد فينا مبيحنش لأيام زمان ويسرح ويضحك لما يفتكر مواقف هبلة كان بيعملها وهو صغير بس الأهم إنك تسمع أغنية "ساعات بشتاق" لمحمد فؤاد

هتفتكر كل حاجة حلوة يمكن حلاوتها عشان كنا عايشين ببراءة مفيش مسئولية مكنش إدراكنا للأمور زى دلوقتى ،،أحلى حاجة كانت من عمر فات وذكريات لما يجى رمضان وتيجى لمتنا الحلوة مع اهالينا وكل واحد قبل رمضان يفتكر كان مزعل مين ومخاصم مين عشان يصالحه عشان ربنا ميزعلش منه تسمع الآذان وتلاقيه ليه طعم تانى فى رمضان والناس كتيرة بتصلى اللى دلوقتى تلاقى الجامع فاضى وناس فطرانة عادى جدا فى رمضان ،، كنت تحس ساعتها بحلاوة الوقت لماتعلق الزينة مع اصحابك وجيرانك ،، تروح تجيب خيط وورق ابيض وجلاد وماية وطحينة وتلزقهم على الخيط وترميهم للجيران يعلقوه وتلاقى الشوارع كلها زينة وتلاقى فوانيس منورة وكبيرة تستنى فوازير نيللى او شريهان والف ليلة وليله "فاطيما وحليمة وكاريمة" وتقعد تقلد حليمة على قد ما كانت الحلقة قصيرة بس كنت تحس بجمالها وعلى قد ماكانت الاعلانات بتزيد فى رمضان ومكنتش بالصورة البشعة اللى بنشوفها الايام دى اعتقد يحولوا التليفزيون ويسموه شاشة اعلانات ،، افتكرت مرة الممثل العظيم محمد صبحى لماكان يتعرضلوا مسلسل  وكان شارط ميتقطعش مسلسله باعلانات عشان ميحصلش تشتيت للمشاهد وكانت النتيجة عرضوله مسلسله على القناة التالتة  وكمان فى اوقات القيلولة ،، اعلانات رمضان زمان كانت جميلة اوى وكان مرة جه إعلان اسمه ايزى موزو عصير اترفع ومبقاش يتعرض وكان الواحد يكسف ينزل يشتريه عشان البنات كانوا بيقولوها بصورة مثيرة ،، دلوقتى بقى عادى انك تقعد فى بيتك وتسمع الفاظ فى مسلسل تليفزيونى تشمئز لها اذناك وافلام عادى جدا تعرض حاجات مش كويسة وعارف من الاعلانات انها مش كويسة وتدخل الفيلم عادى.

عاوزين تعرفوا قد ايه اتغيرنا وان فى فجوة فى جيل التمانيات والالفية "هاتوا فيلم عربى قديم وفيلم عربى جديد معروض وانتوا تعرفوا حتى التيت اللى كانت بتتحط زمان لواتقال لفظ مش كويس اتشالت وبقت a؟a مقولة شهيرة الآن واغلب الناس بقت تقولها.

افتكر لما كنت صغيرة وعاوزة اصوم رمضان ويضحكوا عليا ويقولوا استنى لغاية اذان العصر وافطرى قد ايه كنا عيال

افتكر المسحراتى واقول لبابا خليه يقولى اسمى يابابا عشان يصحينى مانا اساسا صاحية

افتكر المدرسة والمدرسين واول حفلة اشتركت فيها افتكر لما المدرسين يقولولنا محدش يشترى حاجة من بره عشان ملوثة محدش يصفر عشان الصفير من الشيطان ،، افتكر جرس الفسحة افتكر ال8 حصص وكل حصة ساعة الا ربع  وطابور المدرسة وتحية العلم والدعاء اللى كان يتقال يوميا فى رمضان

وافتكر لما كان مدرس يقول انتى حمارة اعيط معلش كنت حساسة اوى وازعل ويصالحنى

افتكر لما مدرسة قالت حطوا كلمة الله فى جملة فقلت "إن الله حى لايموت" والكل سقفلى

افتكر انى كنت برسم حلو اوى وان مدرسة الرسم اخدت منى كرستين انا رسماهم ومكسبتش حاجة وضاعت رسوماتى

افتكر لما مدرس اللغة العربية الله يرحمه قال ياجماعة لازم نكلم عربى ، اللغة العربية هى الأصل قلت والله لأطبق ده " اروح اقول للبقال اريد سامبا بيضاء واكررها تلات مرات وفى الاخر قلتله عندك سامبا بيضا قالى ولا حمراء "

افتكر ان صحبة واحدة بس فضلت من المدرسة معايا لغاية الآن

افتكر العيد واللبس الجديد والعيدية اللى كانت بتيجى جديدة لانج اربع على انصاص على جنيهات

انزل اشترى حاجة ساقعة ولوليتا بخمسين قرش وعشر اكياس نينجا معلش كنت مفجوعة وافتكر ايس كريم اللى عليه هدية واحد تانى وتقعد تنقى وتبص فى العصايا لماتكون بيضا اوى يبقى هتفوز والبقال لما يتعصب يقول لا مفيش كونو تانى يالله

ومسابقات كوكاكولا الجادون نجمعه  والشمعدان والبنتين التؤام اللى كانوا بيظهروا ومعرفش اشاعة لغاية دلوقتى انهم طلعوا من غير إذن والدهم على التليفزيون
افتكر بكار بكار بكار مسلسل اللى كان بيجى ساعة الفطار وطبعا بوجى وطمطم ديما بفتكر"بطنى بتوجعنى ياطمطم اه يابطنى " وهى ترد عليه حرمت يابوجى .. حرمت .. حرمت ترمرم ..حرمت 
والشعرواى الله يرحمه كل جمعة
وكان مسلسل باور رينجرز المغامرون الخمس جيسون المغامر الاحمر كان فتى احلامى 
ومسلسل ذا جيرل فروم توموروا برده البت اللى بتلبس التاج وتركز على حاجة وتحركها من مكان لمكان وتاكسى السهرة كل اتنين واخترنا لك كل اربعاء اللى كان بيجيب مسلسل اكس فيلز كان مسلسل رهيب الواحد يستناه من اسبوع لاسبوع 
وسينما الاطفال سينما سينما الاطفال سينما وذا بولد اند ذا بيوتيفول المسلسل اللى كله بيجوز بعضه
ومازنجير وكابتن ماجد سجلت الهدف ياماجد وجريندايزر اهو ده بجد فتى احلامى يوووووووووووو من هنا لبكره هفتكر حاجات كتير 

افتكر المال والبنون وليالى الحلمية اكيد كلكم سرحتم زيى وافتكرتكم ايام كانت حلوة زمان مكناش نعرف يعنى ايه مسئولية وهم وفلوس واصحاب تخدع وتخون وناس بوشين وناس بتكدب وناس مبقتش بتخاف على حد من قلبها عشان الحساس والطيب ملهوش مكان فى وقتنا الحالى

افتكر لما الشباب تفكر تعاكس يطلقون الكلب عليك وتجرى وتصرخ فى اركان الشارع

افتكر ثانوى وانى كان نفسى اطلع صحفية ودخلت علم علوم ازاى معرفش

افتكر الجامعة والدكاترة والمذاكرة وحضور المدرجات وافتكر لما دكتور بيحب كل حاجة يقولها تتكتب وافتكر ان مرة قال فى مروحة لووقعت على حد دلوقتى وكتبتها كده فى الامتحان وجبت 18/20 فى المادة دى

افتكر ايام الموبايلات اول موبايل اريكسون بتاع كبير واسود وعريض شبه الانتركم اللى بيمسكوه بتوع الامن وانك تخاف حد يفتح عليك عشان المكالمة بنص جنيه كنا نكلم على الارضى احلى كلام ونسال على بعض ولما الموبايل مكنش موجود كنت تروح فى الميعاد بالثانية مظبوط ،، الموبايل خلاك تكنسل متحبش ترد تفصل منه عشان بيصدعلك دماغك

الغريبة اننا وصلنا ان ممكن تلاتة قاعدين جنب بعض والاطفال قاعدين ماسكين الايباد وكل واحد يابيلعب جيمز ياواتس اب يافاتح النت ومالوش دعوة ومبيكلمش اللى جنبه يمكن بيرد عليه وهومش عارف بيرد يقول ايه اللى مظلوم الاباء عشان مبيعرفوش يكلموا معانا دماغنا مش معاهم وكل اللى علينا حاضر معلش طيب ثوانى اخلص اللى فى ايدى واللى عمره مابيخلص ،، حتى الجيل الجديد لماتلاقى حد خريج جديد فاهم زيك مع ان الفرق مابينكم 10 او 12 سنة تلاقيه فاهم عنك الا حاجة واحدة الاخلاق معندهمش ثقافة احترام حد بيعرفوا بعض وليهم اصحاب بس صداقة مخوخة من الداخل مشوبة انامبقتش عارفة احنا كبرنا اوى والدنيا دى مش دنيتنا ولا ياريتنا كنا فضلنا صغيرين ،،،

 رانده احمد

احساس الفشل

إحساس الفشل

كتير بنقرى كتب عن انك تحاول مرة واتنين وتلاتة لغاية ماتوصل للهدف، تتفرج على فيديوهات كتير تخليك تطير وتبقى عاوز تحاول مرة واتنين وتلاتة   ،، عينك تدمع وتقول لا خلاص مش هيأس وهحاول تانى ماهوفى ناس مكنوش ولا حاجة وتعبوا ووصلوا ،، لازم تتعب عشان توصل بس فى ناس بحس ان الحظ بيدخل فى حياتهم !!

عينك تشوف الناس اللى بتنجح فتغير ويحصلك إستفزاز لمشاعرك فتقول هما عندهم حاجة احسن منى ... اه عندهم إرادة

عارفين الطفل لما يبدأ يجرب يمشى بيقع مرة واتنين وتلاتة ورغم انه بيقع بيقف وبيمشى على رجليه مفيش طفل بيمشى مرة واحدة ،، طب وبعدين

ساعات بيجيلك إحباط وتقول أنافاشل أنا مش عارف أعمل حاجة وساعات تطبق نظرية قانون الجذب "ان كل شئ حلو وجميل وهيجيلك لغاية عندك"بس تفاؤل !! متنسوش حسن الظن بالله .....

ساعات بتحس من جواك إنك فيك حاجة مختلفة عن الناس زى معظم الأفلام الأجنبية انك ولا حاجة وفجأة يحصلك حاجة تطلع كل اللى جواك وتلاقى نفسك مختلف سوبرمان ،، سوبر وومان المهم تحس انك جواك قوة مكنتش متوقعها.

اكيد مش هطير او ايدك تحدف نار وتغير الكون بس تقدر تغير نفسك وتبقى حاجة ...

هوالعيب إن الواحد مش لاقى فرصة ولا إحنا نستنى الفرصة لغاية ماتجلنا بس هتجلنا متأخر ويكون سننا ساعتها وصل لدرجة الشيب يعنى شعرنا ابيض وفقدنا قوتنا مع انى مختلفة ديما ان السن ملهوش علاقة بطاقة البنى ادم ،، يعنى لوانت حاسس من جواك انك صغير هيبان وديما كل الناس هتشوفك كده ان شكلك لسه صغير  مع ان ممكن تكون تخطيت سن الاربعين.

كالعادة دماغى بتتلخبط ومش عارفة هنفضل مستنين اللحظة اللى تجلنا ولا احنا اللى هنروحلها ،، طب لوالتيار ديما عاكس معانا هنمشى امتى مع التيار ، على رأى حزلقوم فى لاتراجع ولا استسلام "نغير عتبة" بس هوده الحل؟؟ افرض قبلتنا نفس المشكلة ،، طب إحنا هتجلنا الفرصة إمتى ؟؟؟

ساعات بنغمض عينينا ونحلم بكل اللى احنا عاوزينه ،، أمل ،، تفاؤل ،، نظرة تخلينا متشبسين بأحلامنا ،، أصل مفيش غير اننا ديما نتفاؤل ونأمل ..

بس هرجع تانى وأقول ،،،

أدور على اللحظة إزاى ؟ ولا هى اللى هتجيلى ،،

أطلع سوبرمان اللى جوايا إزاى ولا أفضل مستخبى جوه نفسى لحد ماألاقى نفسى وأبص فى المرايا وألاقى نفسى كبرت.

                               شكراً

وهم الاصدقاء

وهم الاصدقاء

لا نستطيع أن نحيا بدون أصدقاء فهم الدعم والأمل والفرحة مهما تحدثت لن استطيع ان اعبر من هم الاصدقاء بالنسبة لنا.

لوأمسك كلاً منا قلم ليكتب من هواقرب شخص بالنسبة له أو أخذ يحادث نفسه عن من هو أو يتأمل وينظر إلى سجل المكالمات الخاص به او الفيس بوك او تويتر بماانهم اكثر استخداماً أو أى شئ يجعل الوصول الى الصديق سهل جداً

كم شخص قام بالاتصال بك ؟؟؟ وحاول الاتصال فى نفس الاسبوع بل فى نفس الشهر ؟؟؟؟؟؟

كلأ منا لديه العديد من الاصدقاء ولكن ليس بالكمية ولكن بالكيفية !

فالأصدقاء أنواع :-

صديق طفولة / دراسة /عمل /مع الأيام

نتيجة مكالمة الأصدقاء:-

1.   صديق يكنسل المكالمة

2.   صديق يرد عليك ويقصر فى الكلام

3.   صديق موبايله مغلق

4.   صديق رقمه خطأ / غيره بمعنى أصح

5.   صديق حاطك فى لائحة الرفض

6.   صديق مش بيرد عليك اصلا

7.   صديق مش هيقدر يكمل معاك المكالمة عشان عنده اجتماع

8.   صديق يتصل لمصلحة

وهكذا ..... ملحوظة هذا يتكرر مع شخص بعينه

ومن الأصدقاء .....

من تقتسم معهم اللقمة بل رغيف واحد بمعنى اوضح نفس الطبق وتقضيان معظم الوقت تتحادثان وتضحكان وتبتسمان وكلا منكما يرى ان الله قد رزقك بصديق لن تجد مثله مرة أخرى ويتركونك بدون سبب وتتسائل لماذا ؟؟؟؟ وتكون الضربة من هذا الشخص يبتعد ولا تعرف السبب ....

ومن الأصدقاء .....

من يقوم بالإتصال بك مرة واحدة لانه يعانى من أزمة أو مشكلة ما فلا تتردد ثوانى من شدة القلق عليه وترتدى ملابسك وتذهب إليه وتفعل المستحيل لترى الابتسامة على وجهة وتفعل ذلك لانك تحبه ولانه صديقك وتمر الأيام بل السنين وتحتاجه وتتلقى الوعود انه عندما تريد شيئا ستجده بجانبك ويختفى كبخار تصاعد من تساقط الأمطار على القلب المشتاق للصديق "الأرض" وتنظر حولك فلا تجد عدد الأصدقاء او الذى كنت تتوقعه فلا تبكى لان الله معك" تتظلم اهون بكتير من انك تظلم"

ومن الأصدقاء .....

من يستغل طيبتك ويعلم ان كلمة معلش هتخليك تنسى القسوة او الخطأ اللى اتصرف بيه معاك ولا يعلم ان كثرة الألم تعطى لك الحق فى الابتعاد عنه ومهما حاول الرجوع اليك سيجد يافطة مكتوبة لقد إمتلأ التانك ارجو عدم وجودك مرة أخرى بحياتى " أصل بطلت أجى على نفسى "

لا يعلمون كم تتألم لفراقهم !!!

ومن الأصدقاء .....

من يضحك أمامك ويبتسم ويقولك انت صديقى المقرب ويكاد اليوم لا يمر بدون معاودة الاتصال بيه كل ساعة واغلب الوقت تقضيانه معاً ولكن يدير لك ظهره ويكون من اوائل الناس اللذين يتحدثون عنك بالسوء واقصى قسوة عندما يكون شخص قريب منك ويتحدث عنك بالسوء على راى المثل " اذا طلع العيب من أهل العيب ميبقاش عيب"

ومن الأصدقاء .....

بالنسبة له انت مصلحة وبانتهائها يتلاشى

ومن الأصدقاء .....

من يريدك ان تكون له وحده ولا تعرف غيره واذا صاحبت غيره يتركك بدون سبب

ومن الأصدقاء .....

من يجيد التمثيل بالمشاعر

ومن الأصدقاء .....

أنت بالنسبة له عدد او رقم على الفيس بوك يشير الى أن كلما زاد عدد الاصدقاء يصبح مؤشر ان هذا الشخص محبوب ولديه من الاصدقاء العديد والعديد

ومن الأصدقاء .....

يضيفك فى الفيس بوك ولا يفكر مرة واحدة أن يحادثك "من فضلكم احذفونى اذا كنت بالنسبة لكم هذا النماذج او انتم بالنسبة لى هؤلاء الأصدقاء"

ومن الأصدقاء .....

من تسامحهم كثيراً وعند أول غلطة لك وبدون قصد ينقلبون عليك وينسون كل لحظات السعادة والحزن التى جمعت بينكم، لايعلمون أنك بشر، لا يعلمون أنك تخطأ وتتأسف ولكن يألمونك أكثر وأكتر

ومن الأصدقاء .....

من يفضح سرك ولا يعلم " اللى ستره ربه ميفضحوش عبده "

ومن الأصدقاء .....

اذا خاصم فجر

ومن الأصدقاء .....

من يشعر بك وبالامك ويتصل بك وتتعجب كيف علم ذلك ؟؟؟

ومن الأصدقاء .....

من تريد أن تخلع القبعة وتنحنى له وتقدم له التقدير وتقول لهم شكرا انك موجودين فى حياتى وربنا ميحرمنيش منكم وبحبكم " كل الاحترام والتقدير لكل اصحابى اللى واقفين جنبى ومعايا وربنا ميحرمنى منكم ابداً"

مشاعر

مشاعر

كعاداتى كل صباح شرب النسكافيه على سماع انغام فيروز

إحساس بانك حالم فى كوكب آخر منفصل عن العالم ،، العالم إلى الوراء وأنت تجلس أمام البحر ،، تتلمس بأنامل قدميك الرمال وإحساسك بلسعة الشمس وصوت زقزقة عصافير أوطائر النورس فى محاولة لإلتقاط السمك فى تصويربديع ومذهل لحركة أجنحته واقتراب فهمه لالتقاط السمك

لغة القلب والعقل

بعص المشاعرتجعلك تشعركأنك فى عالم آخرمنفصل فى عالم إسمه السرحان أوالتوهان أو عالم الحقيقة فالبداية حلم والنهاية حقيقة.

المشاعر تجعلك ترى حبيببك أمام عينيك  طيلة الوقت حتى عندما تغمض عينيك...............

أحياناً تأخذنا المشاعر لنرى مجموعة من المشاهد  كفلاش لكاميرا او لقطة سريعة أو تصوير بطئ لأقل من ثانية ،،،،

أول لقطة !!!!

عاشق يجلس على صخرة مرتديا بنطلون أبيض وقميص يكشف عن جسد عارى يلقى بحجارة صغيرة على شاطئ هايج كأنه يعترف ويقول له إنى أعلم ما بك فأحاول أن أشاركك إحساسك ومن حجر إلى حجر وتشعر بالملل من آن إلى آخر وتتسائل لماذا تأخرت وتشعر بها قبل أن تقترب فتتسارع نبضات قلبك وترتجف كل أجزاء جسدك وتتوقف عن إلقاء الحجر وتنظر إلى الوراء وتجد من إشتاق قلبك لها ترتدى ثوبها الأبيض وتأتى إليك مسرعة ويرتطم الهواء بجسدها فيكشف عن ساقيها وتتأملها وتميل بتحريك جسدك إلى الوراء لتذهب إليها تتأمل وجهها البرئ ملامحها البيضاء عودها الممشوق وتناثر شعرها على كتفيها وتلمسه بيديك وتشيح عن وجهها بعض خصلات الشعر الذى أصبغ لونه لون الرمال بنعومته وبريقه وتنظر إلى عينيها وتبتسم وتضمها إليك وتلف بيها الدنيا وتدوران معا كدوران الكواكب حول الشمس وترفعها من الأرض إلى عالمك وتبتسمان وتدور بيها إلى أن يمسى الغروب ويأتى الليل ،،،،،،،،،،،،،،،،،،،

اللقطة الثانية !!

تكون هى فى عملها لا تترك شعرها على كتفيها بل تربطه بشريطة وتضع بيها قلماً وترتدى بنطلون أبيض وبلوزة مخططة تقترب إلى اللون الاخضر وجاكت صغير وشال على كتفها وترتدى نظارة وتحمل فى يديها كوب من القهوة الساخنة وتتناثر لسعة الحرارة بوجهها وتكون على مشارف مغادرة مطبخ الشركة فتصتدم بها وتبتسم تضع يدك اليمنى على مشارف الباب محاولا منعها من الخروج وتسألها ممكن أن أجلس معك ولو بضعة دقائق فتشيح بوجهها ناحية اليمين خجلا ويزاد وجهها إحمراراً بخجلها وتبتسم وأنت تبتسم وتومأ براسها بالموافقة فتجلسان ويمضى الوقت ،،،،،،،،،،،،،،،،،

لقطة ثالثة !!!!!!

لقطات لبعض المحببين بنظرات عيونهما ولمعان الحب كصوت إلتقاط صور بكاميرا صورة تلو الآخرى ضحات إبتسامات مشهد لحبيب يقدم الورود إلى  حبيبته بإختلاف ألوان الورود كألون قوس قزح يتغير لونه ويصبغ السماء ويخترقه فبعد هطول المطر فى وقت الشروق يهدأ الكون ويستجيب للغته ،، وبإختلاف طرق تقديمه إليها ينعكس شوقه وحبه ولهفته قتحمل كل زهرة كلماته وهمساته اليها وتنقل اليها مايعتمر بقلبه ونمضى ،،،،،

لقطة رابعة !!!

سهرة فى اضخم الاماكن وعلى ضفاء نهر النيل وبعزف أجمل السيمفونيات ترتدى هى فستان باللون الأحمرويرتدى هو البدلة السوداء وكلاهما يمثلان تعاقب الليل والنهار ما أجملهما حينما يدعوها إلى رقصة وتلمس يده اليمنى يدها ويده اليسرى أطراف يديها ويتمايلان ويستمرا مع كل نغمة وحرف بأحاسيسهما وبأنهما فى عالم لا يجمعهم بأحد وتحريك أرجلهما مع كل نغمة ويستمر يلف بيها ويخطو خطوة وتخطوخطوة ويجعلها تتمايل بجسدها إلى الخلف ويلقى بجسدها بأحضانه ويلف بيها ويستمران يتمايلان ويتمايلان إلى أن تنطفئ  جميع الشموع وتمضى ،،،،،،

لقطة خامسة !!!!1

إحساس بلسعة البرودة بعد هطول المطروبمحاولة إخراج النفس لرؤية الضباب وارتداء قفازان وايس كاب واحمرار الخد رجوعاً إلى برودة الجو وحمل مظلة فى يديها تحسباً لهطول المطر مرة أخرى وزحمة المواصلات ومحاولة إيجاد وسيلة للذهاب إلى المنزل فتجدك على الخط الآخر من الطريق تنظر إليها وقد تسمرت وتبتسم لإحساسها كأنك تسمرت من البرد وتجمدت أطرافك فيذهبان معاً ويدفئها بمعطفه ويبتسمان ويضع بعض قطرات الثلج على وجهها ويتقازفان الثلج ويضحكان كأن العالم إبتسم لهم  وهكذا ،،،،،

لقطة سادسة !!!

قطاران مختلفان قطار يتجه إلى اليمين وقطار يتجه إلى اليسار ويجلسان كلا منهما بجانب الشرفة مع اختلاف القطارات وكانهما يجلسان امام بعضهما ويذهلا لبعض الوقت ويحاولان الذهاب إلى اخر العربة وقد يكون القطار سبقهما بالرحيل فيجريان من محطة إلى محطة وكلاهما شوق ولهفة من اللحاق بالاخر ويحاولان لمس الارض للوصول لكلا منهما الى الاخر فيذهب إلى أول القطار وهى إلى أخر القطار ولكن لم يستطيعا الانفلات وسرعان مايختفى القطاران ولكنهما سيجد محطة ما ليقفا عليها ويجدان بعضهما مرة أخرى ،،،،،

لقطة سابعة !!!

لاثنان يتشاكسان هويجى كده وهى تيجى كده يايشد ياتشد ماهومش خيط يتقطع فى ثانية ولا مشاعر سهل تتنسى ده حب ومناكشة ومعاندة وخناق وغمزة على الكتف وشد لشعرها ونرفزة وهزة من راسها وهو يزعق وهى تصرخ وينتهى المشهد بدمعة من عينيها وحضن منه ليها وتنتهى طب ليه العند والشد والمناكفة من الاول !!!!! مشاعر بقى أغلبنا بيعيشها وسيناريوهات لا تنتهى

المشاعر مش بتنتهى !!!!!!!!!!!!

الحيرة

الحيرة

ماهوموقعها من الإعراب

هل تقع بين القلب والعقل معاً أم العقل فقط أم القلب فقط

لا أعلم ومازلت لا أعلم

لإننى أنا أيضاً فى حيرة من أمرى

عندما نكون فى اختيارما بين شيئن

هل هو صواب أم خطأ

هل هذا مانريده أم لا

كرادار قد تشوش عقله وقلبه وأصابه العطب

فأصدر ذبذبات غير مفهومة ومبهمة

إشارات إلى السماء إلى كائنات مجهولة المصدر

كفيلم من افلام الفضاء والخيال العلمى

ولكن الحقيقة المرة أننا أصبحنا نجعل الكلمات ونعطيها حجما أكبر من حجمها

ماذا تعنى ! ماذا تقصد!

الحيرة والجنون والغباء واااااااااااااوااااااااااااااو..................... كلمات كثيرة

إحترت وإحتار قلمى فى الكتابة ،،

أهكذا هى الحيرة!

تحمل فى طياتها الخوف بل الخوف الشديد

هل أنا على صواب أم خطأ

هل فلان أو فلانة يستحقون منا المعاملة أم  لا ؟؟

هل تستجوب الحيرة ؟؟؟؟

طب لو ؟؟؟

أصل ؟؟؟

إممممممممممممم ؟؟؟

لماذا أغلب إختياراتنا بالحيرة

بكل رد أو استفسار عن شئ يجول بخاطرنا أو سؤال يستوجب الإجابة

هل لصعوبة الإجابة  بنعم أم لا

هل الخوف مرة أخرى من التعرض للمسئولية

أصبح كلامى لا يفهم ويمثل فى نفس الوقت الحيرة

هل فقدت القدرة  عن التعبير

أومناقشة أمر ما

هل الحيرة شئ طيب أم سئ

هل الخوف ينصب ويدخل فى  دائرة الجبن

ماذاأصابنى قد يكون العته

إنه مرة أخرى أنصب فى دائرة الحيرة

الحب حيرة لانعرف لماذا نحب ولماذا نتزوج

هل هى سنة الحياة

أم قضاء وقدر

الكره له سبب فيخرج من دائرة الحيرة

والتسامح قد يقع بين دائرة الحيرة والسبب

الابتسامة هل هى من تلقاءنفسها

او تستوجب الحيرة عندما نجد من يبتسم بدون سبب

من وجهة نظرنا وبسبب من وجهة نظره

هل الحيرة تعنى السرحان والبعد عن التفكير عمانحن فيه

أم تعنى الهروب حتى لا نفكرفنقع وننصب فى دائرة الحيرة

إننا أصبحنا عبيد للحيرة

ماهى القناة التى أريد أن أشاهدها الآن

لقد أصبحت تتحكم فى حياتنا

ماهى المواصلة أوو الطريق الذى يجب أن أسلكه

هل أقوم بشحن التليفون أم لا

هل أشرب هذا أم أتركه

أذهب لهذا المكان أم لا

أقرا هذا الكتاب أم لا

"  آه "  تقع مابين قلبى وعقلى ويدى

لماذا الحيرة والتعب فى امرما

هل يمكن حذف هذه الكلمة !!!!!!!!!

تباً لها