ابتسم ولومرة
عارف اول ما تصحى
من النوم اول حاجة تعملها ايه
تشكر ربنا على
نعمة إنك عايش
قمت خلاص ياسيدى
بص على موبايلك
وشوف حد إفتكرك ولا ؟؟؟؟؟؟
ولو حد إفتكرك
كلمك كام مرة عشان يصحيك
عارف بقى لما تلاقى
بقى ان فى حد انت غالى عليه أوى كلمك اكتر من 3 مرات
ومن القلق بعتلك 3
رسايل
اشمعنا 3 خلاص
مدقوش بقى فوتوها
قلبك بقى بيفرح ويرفرف
ويطيرمن الفرحة
وتقول انجز والبس
وانت نازل كلم كل اللى كلمك وتخيلوا نفسكم بقى لبستوا وانتوا نازلين
لقيت حد بيتصل بيك
ويقولك انت وحشتنى أوى
أو تسمع صوت من
أصحابك يضحكك
ونازل من بيتك بدعوة
من والدتك بسلامة طريقك
آه من الدعاوى
ماهو ربنا بيسلمها معاك عشان خاطر دعوة من ست الحبايب
ولما يكون وراك
مشوار ضرورى وموبايلك فاصل شحن وتصحى فجأة من الخضة ومش
عاوز تقلق والدتك
وتصحى على طراطيف صوابعك عشان مش تقلقها او تحسسها انك
اتاخرت وتصحى
تلاقيها قاعدة بتصلى وبتدعيلك الله "ربنايحفظلكم كل أم"
وتقولك متقلقش لسه
بدرى انا صاحية عشان اطمن عليك
تلبس وتنزل وانت
مبسوط وبتتمنى تبسط أى حد
تخيلوا لوكل
واحدفينا نزل كل يوم وهوبيضحك ومبسوط تفتكروا حالنا هيتغير
ماناهبتسم وغيرى
هيبتسم وهيبقى يوم جميل مليان ابتسامة مالية الكون كله
بعكس لو نزلت واول
ماروحت مكتبك جتلك مكالمة تسد النفس تنكد عليك فاتعصبت فى اول
وش قابلك وهكذا
انتقلت عدوى الغضب
احساس حلوأوى لما تبقى
مبسوط وتبتدى تركز فى الحاجات الحلوة اللى حواليك
طفلة صغيرة بتنادى
وتقول ياتيته وتعيط عشان جدتها سابتها ونزلت من المترو "هولسه فى
كده"
ولا واحد كبير فى
السن بيعدى الشارع فيجى حد يوقفله الطريق ويعديه" يااااااااااااااااا"
كنت
نسيت الحاجات دى
عارفين أجمل حاجة
ايه انك تساعد الناس من غير ماتستنى مقابل ولما حد يقولك انا مش
عارف اشكرك ازاى
تقوله ؟؟ ادعيلى
لماتلاقى ناس لسه
بتضحك من القلب
ولماتلاقى فرح
وزغاريط وهيصة من حواليك
لماحد يجيبلك هدية
بس عشان يفرحك من غير مناسبة مجرد تعبير عن الحب
لماتقع فى مشكلة
وتلاقى ربنا حلهالك ومتعرفش ازاى وتسجد وتشكره
لماتلاقى حد
بيطبطب عليك وانت فاكر انك لوحدك مع انك مش لوحدك تلاقى لمة من حيث لا
تدرى ويساعدوك
ويقفوا جنبك
لما تبكى ساعات
لوحدك من اى ضيق وفجأة يجيلك تليفون يفرح قلبك
لماتتمنى حاجة
وتتحقق
تأكد بس إن ربنا عمره ماهيسيبك لوحدك
اللى بيعمل خير
بيلاقى خير واللى بيعمل شر بيلاقى شر
ليست هناك تعليقات:
إرسال تعليق