لحظات البكاء
ساعات من كتر الألم
بنلجأ لطريقين
ياالبكاء ياالفضفضة
طب لومش قادر تبكى وتصرخ وتعيط ولا حتى تفضفض
هتعمل ايه ؟؟؟؟؟؟
ياهتأكل اكلة حلوة تنسيك همك
ياهتسهر سهراية حلوة مع اصحابك
ياهتسرح وتكتئب ياتربى دقنك ومتحلقهاش وتقفل باب قوضتك عليك
وتشغل سى دى ولا الفيس بوك وتهس مع اصحابك
ياما لو بنت هتاكل شيوكولاتة ياهتشغل اغنية حلوة وتقعد تتنطط
ياماهتنزلوا الشارع تتمشوا وتتأملوا فى وشوش البشر وياريت هتشوفوا ناس بتضحك
ياهتلاقوا ناس بتتخانق ياناس بتعاكس
ياناس شقيانة وشايلة الهم
ياناس ملهية فى الدنيا
كأنك راكب قطر "قطر الحياة"
وتلاقى نفسك بتبص من الشباك على عيون كل الناس
والقطر بيقف فى كل محطة يامحطة هضحك
يامحطة هتخليك تتألم أكتر
يامحطة هتجننك من الزحمة
يامن الحر
وتانى ترجع تسرح وتسأل أناعاوز أقف فى محطة الضحك شوية
بس انت ممكن تضحك وجواك بيتألم
وتلاقى نفسك عيطت
إقفش بقى هنا وعيط جامد
بس لا الناس هتأخد بالها منك
وتقولك معلش ويجبولك مناديل وماية
لا دى حكاية كبيرة أوى
لا دى حكاية كبيرة أوى
يإما
ساعات هتسأل هى الناس دى بتتخانق ليه
هى الدنيا مستهلة أوى
طب هما دول بيضايقوا دول ليه
ولا دول بيتريقوا على دول ليه
ولو أم ضربت إبنها الصغير
وقعد يصرخ
والناس تقولها حرام عليكى
ترد وتقول إبنى وبربيه
مع إن فى ناس بتتمنى تلمس بإيديها على طفل
وتأخده فى حضنها
وممكن برده تلاقى شباب بيضحكوا ويهزروا
يمكن عشان لسه فى مرحلة التعليم
مشافوش مسئولية
مع ان ممكن تلاقى ناس فى سنهم
داست عليهم الحياة وشالوها بدرى بدرى
نسبنا من القطر
ماهوممكن تلاقى ناس قاعدة على الكورنيس
بتبص لميه النيل وتسرح تسرح
ويمكن تحدف طوبة فى الماية
لدرجة انك تسمع صوتها
ويمكن تكون هناك سمكة بتلعب وبتعاكسك من تحت
الماية
وانت مش حاسس
أو قدام بحر وقاعد على صخرة
وموج يشدك ويوديك
يرفرف قلبك معاه
وتحس براحة غريبة
ده انت ممكن تأخد مركب وترمى جسمك على ارض المركب
وتحط رجل على رجل وايديك تحت راسك
وتبص للسماء
ترسم احلام وتشوف الدنيا بلون تانى
وتغمض عينك
ومتحسش بالألم وتنساه
ومتصحاش بقى الا على الحساب يابيه
هوالحل فى كلمة واحدة
"يارب"
لإننا كلنا محتاجين طبطبة على القلب
من ربنا
ليست هناك تعليقات:
إرسال تعليق