مكالمة هاتفية

مازال يحبنى ومازلت اكره

يتذكرنى ،،

يبعث الى كلمات ورسائل ،،،،

اكاد افرح ولكن تتناثر اوراق فرحى

لاتذكر الامى معه

كنت انادية فلا اجده بجوارى

كنت اشتاق اليه  فلا يشعر باشتياقى

اصحو من نومى لاجد مكالمة هاتفية منه

اكاد اجيب الرد حتى ينتهى اتصاله

ابعث اليه برسالة ان يعاود مرة اخرى

واتمنى ان لا يتردد

وسرعان مايتردد

يتاخر واظل انتظر

وليست المرة الاولى فى الانتظار تعودت منه ذلك

تعودت اهماله لى تعودت انشغاله بعمله تعودت اشياء كثيرة ولا اعلم لمتى سوف اظل اتعود

اجد هاتفى يرن فيسبقنى وتسبقنى هفوات قلبى وسرعاته

فلا اجده هو مكالمة قد تكون من صديقة او صديق

اظل اتنفس الصعداء معهم ونتحدث فى اشياء اخرى وقلبى وعقلى متعلق به

ولسانى يتحدث باشياء اخرى ولا ادرى ماذا قلت

حتى اجده يعاود مرة اخرى وانا اتحدث معهم فاسرع باغلاق الخط

لاجد للمرة الثانية انه انهى الاتصال قبل ان ارد

لم ابعث رسالة هذه المرة قررت الاتصال فلم يجب

وعصرنى الالم مرة اخرى وتالم قلبى

حتى رن هاتفى مرة اخرى وكلى ياس بانه ليس المتصل

يالله انه هو .. احق هو .. لا اشرد كثيرا حتى يمل ويغلق وسرعان ماقمت بالرد

لا اعلم مدى لهفتى فلسانى ينطق بعكس قلبى

اجدنى صمداء ،، اجيبه من حديد كان لين قلبى قد جف  كلماتى تخرج قاسية

وهو لا يصدق ما اقوله تنتابه الدهشة حتى لا اجده يتحدث يصمت

وارد باستنكار هل ستظل هكذا صامت ام "اقابله بالتهديد" واقول ساغلق الخط

اقولها واتمنى ان يقول لا تغلقى اريد ان اسمع صوتك لقد اشتقت اليكى

فاجده يقول لا ساتحدث ويصمت تارة اخرى واجدنى اتحدث فى اشياء اخرى

كان مابيننا لم يكن لا اعرف ماذا حل بقلبى

هل انا اعانى انفصام فى قلبى وعقلى ياللهول

ام ان المى هومن يجعلنى اتحدث هكذا

احتجتك ,, قلت لك ان لا تتركنى

قلت لى انتى هوائى انا لااستطيع ان اعيش بدونك

وقد تركتنى ايام واسابيع بل وشهور وكنت تتنفس وتعيش بدونى

قلت لى انك تختلف عن الاخرين فانا خلقت لكى

نعم تختلف فانت تركت بداخلى جرحا مازال ينزف حتى الان

كنت ترسل لى الاغانى واحيانا تسمعها لى واكاد اسمع دقات قلبك ترقص وتضحك

كنت سعيدة نعم كنت اشعر معك بانى ملكت العالم بانه لا يوجد غيرك لا يوجد سواك

تركتنى وقلت لى ان الظروف اقوى منك

نعم تركتنى وقلت لى لا استطيع ان افى بوعدى

اين ذهب الحب ،، هل كان سوء اختيار منى

كفاك ياقلبى الما كفاك

هل اصبحت تتلذذ بالالم هل اصبحت تعشق الهوى والعذاب

تريد ان تجعلنى معلقة تارة تحادثنى وتقول لى سامحينى سافعل المستحيل حتى لا اضيعك منى مرة اخرى

وسرعان مايتلاشى كلامك واصدقك فى كل مرة تاتى الى  ،، اصدقك

لم تطلب منى يوما ان اقابلك كانك نسيت صورتى ام لم تعد تشتاق الى صورتى

تشتاق فقط الى صوتى عندما ياخذك الحنين الى تتذكرنى

لا اعلم ماذا تريد

اتركنى اتركنى فلم اعد احبك مرة اخرى فلن اعذب نفسى مرة اخرى

واصحو الى ان اريد ان انهى مكالمتى معك فقد انتهيت منك

الشحاتة

الشحاتة

الشحاتة ،،، ماهذه الكلمة انها باللغة العربية  تعنى " التسول " انها ظاهرة غريبة بدات تتفشى فى مصر ،، انها اصبحت مثل الاكلان " وهى حشرة صغيرة بنية اللون مسطحة تتغذى فقط على دماء الحيوانات وهي النوع الأكثر تأقلماً على العيش مع البشر منذ عصور بعيدة ،، الشحاته اصبحت كذلك لانها تعتمد على كيفية امتصاص المال من جيبك ايها المواطن ،،اخاف ان نحقق رقما قياسيا وندخل موسوعة جينيز العالمية .

لقد اصبحت الشحاتة فن من فنون القتال ليس بالسيف او البندقية انما بالمكر والدهاء

كنت اظنها تكثر فى شهر رمضان الكريم الا انها اصبحت اجبارية فى كل شهر من شهور السنة.

اذا اخذتك خطوات ارجلك لان تذهب لشراء شيئا ما يحتاجه البيت او تحتاجه لنفسك تجد من يضع اشيائك فى الشنطة ويسلمها لك يقول لك " كل سنة وانت طيب " فتفهم انه يريد مكافاة للمجهود الذى بذله وطبعا لا احد يريد ان يحرج وخاصة نحن شعب نخاف من الحسد وتحادثنا انفسنا حتى لا يحدث لأشيائى شيئا فأعطيه نقود فلن تؤثر.

تجمع الاشياء وتخرج بها فاذا تجد تجمهر من طفلين صغيرين يبدوا عليهما البؤس نريد شيئا نريد شيئا " ربنا يخليك يابيه ،، ونبى ياهانم انا مكلتش وجعان " اى حاجة ،، ياربى ماذا افعل طبعا بدون سؤال نعطى السائل ! لا اعرف ماذا اقول يالا كرم الاخلاق اما يالا هذا اليوم الذى لا ينتهى.

اذا كان طريقك الى السيارة فلتحمد الله فانه اخف من اى مواصلة اخرى ولكن عليك بان تكره اشارات المرور ستجد من ياتى ياهانم ياباشا ويمسح العربية بدون مقدمات فيجب ان تعطى له والا نظر اليك نظرة تجعلك تندب ايامك السوداء.

يختفى وياتى طفل حضرتك مش عايز مناديل ونبى يابيه ونبى يابيه لا يابنى امشى عندى علبه انا جعان ،، فتريد ان ترفع زجاج الشباك وقبل ان تفعل تتذكر انه طفل صغير يقف فى الشارع لا حول به ولا قوة ويعمل فى ساعة الظهيرة وما اشد حرارة الشمس ويكفى انه يتحرك يمينا وشمالا امام السيارات ولا يابى ان تصيبه فتعطيه وتقفل زجاج السيارة حتى لا ياتى احد وتسمع خبطات على زجاج السيارة فتشغل الكاسيت او تضع الموبايل كانك لا ترى احد امامك.

حتى ياتى وصولك اخيرا الى المنزل وان كنت اشك ان زوجتك ستطلب مالاً.

نرجع مرة اخرى اذا لم يكن لديك سيارة واردت ان تاخذ تاكسى فما تعرضت له

سيتعرض له سائق التاكسى وطبعا ستسمع ياابنى هوانامعايا ويتوجه سائق التاكسى بالحديث اليك ويقول انا مش عارف يابيه العيشة بقت غالية يابيه انا مش عارف هنجيب منين ومنين ده لسه مزودين اسعار البنزين ،، فطبعا اللبيب بالاشارة يفهمو ،، السواق عاوز زيادة عن الاجرة ،، يارب وبيسالوا الواحد بيتعصب ليه ويتم الوصول الى المنزل بسلام ده اذا لم تجد بواب طفل مار يعترض طريقا ويريد مابجيبك..

اما اذا كانت الوسيلة المترو ،، وما ادراك ما المترو تجمع الحبايب

اذا كنت سيدة فكل البائعين متكدسين فى عربية السيدات ياست معايا مناديل خد 4 بخمسة جنيه و2 ب2 ونص   وانت الكسبان وواحد تانى معايا الشماعات اللى لا تقع ولا تلزق وواحد ثالث معايا سبونش بوب وواحد رابع معايا خطوط بعشر جنيه بس يابيه وواحد معايا مفارش للسفرة والمطبخ وواحدة معايا شنطة مكياج بخمسة جنيه جميع الالوان وواحدة معايا بنس وتوك وشراب حد عاوز وواحدة معايا اسدلات صلاة ياجماعة ولوكنت واقف هتلاقى ناس منهم تستهبل وتخبط فيك "حسبى الله " ولو كنت قاعد يترمى عليك نعناع مرة ، لبان ، قصص اطفال لا والجديد ورق صغير يتوزع مكتوب انا بسيطة ومحتاجة فلوس فى اللى بيدفع وفى اللى بيعمل نفسه مش شايف ويسيب الورقة زى ماهيا وفى اللى بيديها فى ايد اللى حدفها وده نوع من التسول بس بشكل شيك،، واللى يدخل لا اله الا الله فاقد احدى ذراعية او من لديه ابن مريض المهم ميعديش اليوم الا لما تدفع ياهتدفع ياهتدفع كل محطة يعدى عليها المترو لازم تدفع كل سلمة بتطلع عليها المترو ستجد اكثر من 3 متسولين ونعم التنظيم واحد على اول السلم واحد فى منتصف السلم وثالثا عند اعلى السلم والعكس ،،

اذا خرجت من المترو تتنفس الصعداء انا حى ،، تخرج تريد شراء شئيا اخر تجد من يقف لله يابيه ،، تنزل نفق المترو من تحمل طفلا وتجلس على الارض ونبى متكسفنيش عشان العيل الغلبان ده ،، ده ممكن وانت ماشى يهبط عليك حد يقول وخاصة لوماشى مع موزة اناشفت حضرتك امبارح انا فاكرك كنت ماشى مع واحدة تانية مش عاوزة ازود لا الهانم اللى معاك تزعل ونبى ماتكسف ايدى خد البسكويت ده عشان رزق العيال

اما الاتوبيس مثل المترو ماعدا شيئا يزيد عنه غيركترة التحشر.

اما الميكروباص والتوك توك نحمد الله لم تصيبه هذه اللعنة بعد الا اذا كان هناك تعطل فى حركة ومسيرة المرور لاسمح الله.

لا اعلم الى متى هل ازدياد التسول اصبح فهلوة او مؤشر يشير الى ان الناس لا تريد العمل ام هل توقفت الزكاة لا اعلم ،، محتاجين دراسات وابحاث واستمارات عشان نوصل لاساس المشكلة.

السؤال الذى اطرحه هل نتوقف عن اعطاء المتسول ام لا ؟؟؟؟؟؟؟؟؟؟؟؟؟؟؟؟؟؟؟

احساس تجربة

المقالة دى كتبتها فى 4 اغسطس 2012 اعذرونى انى نشرتها كنت فرحانة اوى بس اوضاع دلوقتى !!!!!!!!!!!!!

اعذرونى مرة تانية فاصل ونعود .......................

                                                 إحساس تجربة

أول مرة أحس بإحساس مش عارفة حتى أوصفه ،، دائما كنت اتمنى وأقول يااااااااااااااا لوالزمن يرجع بينا لايام سعد زغلول والمظاهرات ومصر مصر تحيا مصر ،،، وأرجع أفوق من شرودى وأقول لا لالالا بطلى أحلام مفيش حاجة من ديه هتحصل مظاهرات ايه وثورة ايه فوقى من الحلم وفجأة حصلت ثورة ومظاهرات ولأول مرة فى حياتى ألاقى نفسى نازلة أروح أنتخب ،، إحساس غريب اللى لو حد سألنى هتنتخبى مين أقولهم محتارة مش عارفة مش هشارك ولقيت نفسى بقول لأ لازم أتغير لازم أنزل لازم أشوف على الأقل أخوض التجربة مشيت وكنت محرجة وخايفة أعمل إيه لو قابلنى حد وقالى انتخبى حد غير اللى فدماغى بعد ماتعبتنى واستقريت على حد وألاقى نفسى هتخانق معاه وأقول متحجرش على صوتى لا انا حرة وأعيش دور لبنى عبد العزيز فى فيلم أنا حرة تأليف العظيم إحسان عبد القدوس وإخراج العبقرى صلاح أبو سيف وبعدين فقت لقيت نفسى فين ياجماعة مدرسة كذا الاقى سيدات بتقولى على ايديك اليمين يابنتى وقابلت العسكرى والشرطى ودخلونى تخيلت إنى هلاقى ناس واقفة بتقول لناس تانية انتخب فلان وإن فى هرج ومرج استغربت واستغربت أكتر لما لقيت ناس بسيطة وتجمهر من الستات مبيحصلش غير لو قالولهم فى عرسان ههههههههههههههه أو حتى فى جمعية استغربت من ثقافتهم واختلاف كل واحدة فى اسماء المرشحين وتكتم البعض انه ميقولش مين المرشح قلت معقول ده هما حاسين نفس احساسى حاسين ان لاول مرة بنقول راينا فى حاجة مش خايفين حاسين باحساس لما بنكسب فى ماتش وعنينا تدمع متعرفش بدمع ليه ودخلت واديت صوتى والراجل يقولى حطى ايدك فى الحبر من غير مايقول انا غرقت صباعى كانى كنت فرحانة مكنتش اعرف ايه سبب انى احط ايدى فى الحبر بس عرفت السبب او معرفتهوش كده كده كنت هحط ايدى فى الحبر بس كنت عاوزة اصرخ وارفع ايدى واقول للناس كلها انا انتخبت خرجت ومشيت ومكدبش عليكوا واعزورونى كنت كل شوية احط ايدى على جبينى وشوية على انفى قال يعنى بمسح حاجة والحقيقة كنت بحطها عشان الناس كلها تعرف انى انتخبت ياجماعة انا مش محدثة نعمة انا محدثة تجربة ،، تجربة لاول مرة بعيشها اول مرة بانتخب اول مرة باختار سواء كان غلط او صح كنت عاوزة اشاركم احساسى اخترت صوت ممكن يكون قليل اللى هينتخبوه فقرية هقول ايه اصل بحب الناس اللى جواها لسه خير وطيبة اكتر انسان حسيته فانتخبته مش مهم يكسب المهم اديته صوتى مع ان فى مرشحين تانين بس هو اسمه خالد اعزورونى مرة تانية معلش اعزارى كترت انى بقول اسمه حبيت اقول انى فخورة بنفسى انى انتخبته مع ان حمدين صباحى انسان محترم وكتير عاوزين ينتخبوه بس بحس بانقباض فى قلبى معرفش ليه اما عمرو موسى بحسه اكسلنس ليه معرفش وابو الفتوح بحس احساس غريب اعزرونى مرة اخرى انه شاف كتير فى حياته لدرجة انى مش عارفة هيقدر يساعد مصر ولا لأ اما شفيق راجل كانه عسكرى الواحد واحد مش واحد ونص أنافخورة ان فى بلدى انتخابات مفيهاش تزوير ان فى ديمقراطية انا اخترت خالد اخويا وابويا اختاروا حمدين اختى عمرو موسى واختى التانية ابو الفتوح مع اننا فى بيت واحد بس كل واحد اختار وكل واحد مفرضش رايه عن التانى ماهوبيتنا صورة صغيرة من بيت كبير يسكنه ناس كتير والناس الكتير بيشتغلوا فى منظمات اللى هى فى الاخر جزء مصغر من المجتمع ............ أنا مصرية ،،، أنا أنتخب ،،، أنا إمرأة.

ألم القلب

عندما ياتى الليل اتذكرك

اتذكر صوتك وكلماتك وهمسات حبك لى

لماذا فعلت بى هذا ؟؟؟؟؟؟

لا اشعر بوجودى فى هذه الحياة

فحياتى كانت مستمدة منك

لماذا فعلت هذا بى؟؟؟؟؟؟؟؟؟؟

انى قلبى يؤلمنى اشعر بالامه

اشعر بنيران تشتعل بداخلى

لماذا تركتنى ؟؟؟

انى اعانى اعانى بعدك وفراقك عن قلبى

كيف لى ان امحوك من ذاكرتى

لماذا تركتنى؟

اريد ان اصرخ اريدان اموت

لا اشعر بالحياة اكرهها

لا اشعر بالامل

أتامل صورك فاموت من فراقك

لوكان المى يستطيع ان يتكلم لملائت دموعى العالم كله

ماذا افعل ؟؟؟؟؟؟؟؟

حاولت النسيان ولكنها بضعة ايام ويعاودنى الالم

عندما كنت اتحدث معك كنت اشعر بان لى وجود على هذه الارض وهوان اسعدك

لا اشعر بالحب لا اشعر بوجودى

أريدك

حكايات من أيام زمان "1"

ليه دايما بحب ايام زمان مش عارفة اجابة السؤال ده ؟؟؟؟ لماذا اشعر دائما بالحنين الى الماضى كأن روحى كانت متجسدة وموجودة بشخص اخر وانتقلت الى ...... أم هو الخوف من المستقبل ......لا أعلم كل ماأعرفه أننى أفتقد .............. سرحت وشردت مرة أخرى توقفت للحظات كأن مجموعة فلاشات تتحرك أمامى .... شارعنا القديم ... تذكرت عندما كنت صغيرة وأعشق العرائس وخاصة "باربى " وكرومبة"كنت بحبهم أوى ودايما جنبى وفى حضنى .. أتذكر أمى عندما قررت ان تقوم بالتنجيد والسطو على كل مراتب ومخدات الشقة  وأستولى على قصاقيص قماش بمختلف الألون فلا أقوم بالتخلص من البواقى بل أحتفظ بها وأصنع منها أحلى التصميمات فساتين وايشاربات وجيبات وشنط صغننة بمختلف الألوان بقت باربى اشيك عروسة وتلبس احلى الموديلات بمختلف الألوان ،، وآه من الألوان أننى أعشق الألوان أعشق كل لون كأنه يحادثنى .. يهمس إلى .. يقول لى إنظرى إلى .. كل لون له لغة لمن يستطيع فقط ان يدركها ...أتذكر أيضا .... أننى كنت أقطن بالدور الأخير وكنت دائما ارتمى على الارض وانظر إلى السماء أتحدث إليها أنظر إلى السحاب وأكون أشكالاً ... لا لا لا .. إنها تتحرك تكون رسوما واشكالا أطفال يتحدثون عربات صور كثيرة كأن مجتمع يتحرك أمامى .. مجتمع يعيش ويمارس نشاطه الطبيعى أراهم وأبتسم إليهم وأظل اتحدث لنفسى ألن تأخذونى أريد أن أقضى بعض الوقت معكم ،،، أعطونى فرصة ألا يمكن أن أجلس معكم أراكم أوعدكم لن أهمس سأشاهد فقط ،،، أجد أمى تنادينى رانده ... حد يعمل فى نفسه كده  ،، إيه التراب ده قومى .. طبعا ماما فصلتنى ،، المهم نظرت إليهم وهمست سأعود مرة أخرى..

أتذكر أن هناك كلاب كثيرة كانت تملأ الشوارع وأن مدرسين مدرستى أشاروا بعدم التعرض لأى كلب "عشان الكلاب بتعض وبتشم ريحة الادرينالين "- "اوعوا تخافوا لأحسن يجرى وراكم ويعضكم " ونظرا ً لإنى بنت مطيعة ظلت هذه الفكرة مترسخة بداخلى حتى يومنا هذا !! أتذكر أن أبى كان أحضر لى كلباً وكنت اعشقه وكان يلعقنى لكى لا اغفو وانهض من نومى واتذكر انه كان يلاغينى حتى ابى كان ياخذه معه يوميا وتعرض الكلب لحادث ادى الى ان نذهب الى مستشفى الكلب وكان هناك قرار اما ان يتم قطع أرجله ويقضى بقيه عمره معذب هكذا  او ان يموت  وقرر الطبيب ان ينهى حياته ..كل ما أتذكره أننى كنت اضمه الى صدرى والف بيه الدنيا بل العالم لم اعرف اننىى سافتقده .... اننى افتقدك.

عودة مرة أخرى تذكرت أنهم أشاروا الى ان وجود الكلاب فى البيت تمنع الملائكة وتنقض الوضوء ماهو مش معقول كل شوية هتوضى بلاها كلاب.

طلبات أمى التى لا تنتهى .. قمت بشراء اشياء لها وعند عودتى للبيت ،، وجدت مجموعة من الاطفال المشاكسين يطاردون مجموعة من الكلاب .. طبعا وقولت لنفسى ماليش دعوة امشى .... ومتنسيش ريحة الادرينالين عشان ميشمهوهاش وفجاة لقيت الكلاب بتجرى ناحيتى اللى انا فاكراه قعدت اجرى اجرى اجرى اجرى لغاية باب عمارتنا ... قرار هام اذا رايتى الكلاب فى شارع سوف ادخل شارع آخر.

مرة أخرى ذهبت مع أمى إلى خالى وقررت النزول مع قريبة مراة خالى الشارع نلعب قعدنا نتمشى وكان فى ولاد بيضايقونا ومعاهم كلب اطلقوه علينا كل ما اتذكره انها اشارت الى بان نجرى وجريت مرة اخرى الا ان قطع نفسى وقررت ان اتوقف واللى يحصل يحصل هيعضنى اخره ايه وقفت اتارى الكلب ابن ال.... قعد يشمنى وسابنى ومشى بعد ماقطع نفسى وطبعا قررت هنا ان لا اخاف مرة أخرى من الكلاب إلا أن ...

ماما راحت تعزى لحد من الجيران ..  بابا رجع قالى روحى نادى ماما ... بكل فخر ذهبت وروحت البيت ... كل ما أتذكره انى اتقلبت على السلام من فعل كلب كبير شبيه يالكلاب البوليسية واتعورت وحرمت أروح هناك تانى أبداًًًًًًًًًًًًًًًًًًًً

أتذكر واشرد مرة أخرى لأول رحلة فى مدرستى " مصنع الحديد والصلب" اللى انا فاكراه لما كنا ماشيين فى صفوف وتحتنا صفوف فيها كتل نيران شبه البركان ...أتذكر توقفى لحظة لأتذكر ماهو الحال بنارجهنم ازاى هستحمل العذاب لودخلت النار .............

أتذكر موقف صديقة لي فى الطفولة اشارت بان والدها اشترى لها من الخارج عروسة تتحدث مثل البشر وبتمشى ولا يستطيع احد ان يميزها عن البنى ادمين وشعرها اصفر باربى على كبير وانها بتتعاكس وصحبتى مبترداش تنزلها الشارع عشان خايفة عليها وكل يوم قصة اشكال والوان وانها مرة اخدتها السوبر ماركت وواحد كان عاوز يكلم معاها ويخرج معاها طبعا انا منبهرة جدا وروحتلهم فى البيت كل يوم عاوزة العروسة دى يقولولى مفيش الكلام ده .... اقولهم ماهى مش جايباها من هنا ... طبعا ولا حياة لمن تنادى وظل هذا الحلم يراودنى حتى اصبحت فى ثانوى  حينها ادركت كم كنت برئية

إلى لقاء اخر لايام زمان الذكريات لا تنتهى تموت فقط عندما تموت مشاعرنا 

أنا بره حدود نفسى

انا بره حدود نفسى

بحاول أعيش
بحاول اشوف صورتى من بعيد
ياترى حكمى عليها هيبقى ايه 
سودا وضلمة وماتت من زمان 
ولا لسه فيها قلب بينبض ابيض وجميل
أنامعرفنيش
هواللى ماشية هناك ديه مين 
أنا
ولافراغ انسان ولا خيال بيتحرك عشان يعيش
نفسى ارسم دايرة واقسمها قطرين
واصرخ فى العالم باحساس مجنون
هوانا لوخرجت بره نفسى ينفع اشوف نفسى
بالونة وامسك دبوس واقعد افرقع فيا 

لا لا لا هصعب على نفسى اوى
حرام مش كفايا الحياة عمالة تلطش فيا يبقى انا والزمن 
طب ايه اتخيل نفسى شجرة جزورها متينة متثبتة فى الارض
لاهواء ولا رعد ولا شمس يأثروا فيها 
بس شوية تراب هيغيروا ملامحها 
بس فى ثوانى الماية ترجع تغسلها

طيب اتخيل نفسى عصفورة 
لا لا لا مش هستحمل هيجيلى انفلونزا الطيور وهموت 

طب ايه ............... طب ايه 
ماية بحر لا بس طعمها ملح اوى
انا بدوقنى بلاش
طب مااشوفها بزاوية تانية جميلة هادية بس لما اتعفرت يتفاتلى مراكب وسفن 
شراع يودينى وشراع يجيبينى 

طب صورة ثابتة اخليها متثبتة على الحيط تخلى كل اللى ماشى يتفرج على جمالها 
مش عاوزين شخبطة على الحيط بس
محدش يشدنى وينزلنى 
سيبونىىىىىىىىىىىىىى

أنابره حدود نفسى خلينى فى صورة بشر
نفسى اكسر ملايين البراويز
واثبت على شخص واحد
ياااااااااااااا كل ده جوايا 
ياااااااااااااااا كل ده بيتحرك
لا استنى اوعى تمشى الطريق ده 
ده كل مخاطر وحروب
ماتجربى تمشى طريق تانى
سكة ربك متوهش
اوعى تغلطى استنى لسه فى كلام مجرور
اخرجى بره نفسك وعيدى ترتيبها
 انا بس بمسى عليكم ............ سلام

أصلا عادى والله

مش عارفة ابتدى منين ولا اقول ايه بس محبطة احباط السنين ،، كل لما اقف وامشى والدنيا تبتدى تنور تضلم تانى وتيجى تشتكى وتتكلم يقولك عادى ماحنا كلنا كده ،،،،،
كأن مفيش حد بقى حاسس بحد أو كأن الناس بقت مليانة هموم ومحدش بقى ناقص هم حد تانى ،، النهاردة الجمعة ٢٥ يناير ٢٠١٣ مرور سنتين على الثورة مش كلام فى السياسة على قد مابتوجع لما بسمع ان فى ناس بتموت ربنا يصبر اهاليهم وبعدين كل لما تحول القنوات كانك بتشوف سنة ٢٠١١ قدامك ايه اتعودنا على المشاهد فبقينا بنقول اصلها بقت عادى
لما تقف الصبح عشان تقطع تذكرة مترو والدنيا زحمة معلش اصلها بقت عادى
تنزل تجرى عشان تلحق مواصلة والدنيا زحمة وطبعا تجرى من هنا لهنا عشان تركب اصلها بقت عادى
لما تتاخر عن مواعيد شغلك وميدولكش اجر اضافى "هوده الشغل اذا كان عجبك " اصلها بقت عادى
لما تشوف الشحاتة بقت مهنة وتفتقر لمعانى انهم يصعبوا عليك من كتر ماشفتهم اصلها بقت عادى
انك تمشى فى الشارع بامان الله وواحد يضايقك فى الشارع عادى امشى يابنتى على طول اصل انا لوهزاته عيب دى قلة ادب ولو سكت ومشيت معلش يابنتى .... معلش ايه بالظبط ،،، هو احنا بجد فى مصر
لوركبت المترو بتحس انك مخنوق من الزحمة ياما من البائعين مش عارفين نحس بنسمة هدوء ،،، عادى بقى ماحنا كل يوم كده 
لوركبت تاكسى السواق يقعد يرغى ويكلم ياما فى السياسة او يعاكس ماهى ناقصاه .... اصلى معلش خديهم على قد عقلهم 
لوروحت السوبرماركت كلهم يتهافتوا عليك ويشيلوا الحاجة منك عشان تديهم بقشيش ،،، عادى بقى جت عليهم 
لومسكت ايس كريم وأكلته فى الشارع يجيلك حد يقولك ممكن ونبى عاوزة حتة ،،، فتدهوله  ،،، حتى دى ياربى كمان 
طبعا لوميكروباص تتمنى تلاقى فكة او محدش غلس يقعد جنبك ويستظرف عليك ،،، ماهويوم من اوله 
لما يبقى ليك اصحاب غاليين على قلبك ويلوموك فى عز تعبك وضيقك انتى مكلمتناش النهاردة ليه حاضر هعمل اون لاين لنفسى انى ابقى مبسوطة ٢٤ قراط

على راى مكى حياتنا كلها مكسات بس مش كلها بتظبط ،، ايون انا عاوزة واحد من ده عشان تظبط يوم واحد بس 

مش عارفة مسيطرة عليا حالة احباط ،، يمكن من اللى شفته فى التليفزيون النهاردة 
كلنا مضايقين تعبانين مخنقوين ،، بس كفايا كده مش قادرة اكتب ،، ماليش نفس ولا نفس ...

ساعات "1"

اجمل حاجة فى الدنيا الحب واللى اجمل منه انك تعيشه والاجمل انه يفضل معاك طول العمر ...............................
بحب دايما اسمع اغنية ساعات بتلخص كل حالة بيعيشها كل انسان ولازم يكون مر بالمراحل دى
كل بنت بتتمنى تحس بالامان ومش طالبة غير الاحساس ده انها تبص فى عينيه فتبتسم وتضحك ضحكة خفيفة وتميل بعينيها وتحاول تهرب انها متواجهش عنيه من فرط احساسها بالخجل بس لما يسيبها ويمشى ويكمل طريقه كان ..................................

ساعات 

.....


مش كل اللي بنحبهم هيكونو لينا
ممكن نقابل ناس وتشوفهم عينينا كاننا نعرفهم ،،ونسال نفسنا هما الناس دول ممكن يحبونا احنا ،، ممكن فى يوم من الايام يبقوا معانا ويحسوا بينا كانها ثانية عنيك بتلمح حد وهو مش شايفك بس انت شايفه يدور جواك اسئلة ويكون هو مش سامعها كانك بتكلم جواك وجواك يرد عليك يقولك لا ده ممكن يكون ليه حياة مختلفة عنك ،، كمل طريقك ،، لو هتقابله تانى ،، هتقابله ..
وتقابله وتلاقيه فى نفس اللحظة اللى كنت بتبص عليه فيها كان هو شافك قبل كده وبص عليك وسال نفسه نفس السؤال وتتلاقوا وتتقابلوا وتحبوا بعض بس مش مكتوبين لبعض .. هومعقول الحب بيوجع كده ...............

ولا كل اللي بنحبهم لايقين علينااا

ممكن نكون طيبين اوى ونقابل ناس ونقنع نفسنا اننا بنحبهم ونحاول نعيش نفسنا احاسيس الرومانسية ونرسم بخيالنا اشياء فى الاشخاص اللى قدامنا ونقنع نفسنا لا هما اللى احنا عاوزينهم وفى الاخر يطلع احساسنا من جوه صح مش لايقين علينا

ممكن نلاقي اللي ياما حلمنا بيهم و يلاقونا 

لونمنا فى يوم او سرحنا باحلام اليقظة ورسمنا لنفسنا قصة واننا هنقابل فتى احلامنا ونغمض عينينا وتمشى بينا الحياة وفجاة فى زحام الحياة نقابلهم ويلاقونا وبرده

منلاااقيش الحب فيهم !
احساس بالصمت

و ساعات بنشوف الحب و هو ميشوفناااش
وممكن تمشى بينا الحياة وتفضل الحياة تمشى بينا ونكبر وبعدسنين نكتشف ان فى ناس كانت بتحبنا بس مشفنهمش
وساعات يقابلنا الحب و يمشي معرفناااش 
وممكن نكون راكبين فى قطر الحياة ودور الدنيا بينا كاننا راكبين مركب ماشى فى مايه النيل فى عز الظهر ونحط ايدينا على وشنا عشان نمنع اشعة الشمس تلمس وشنا ونتفرج على الحياة ونضحك ومنكنش شفنا ان فى ناس فى نفس اللحظة دى تكون بتحلم وبتتمنى نكون معاهم ومبنعرفش
وساعات بيجينا الحب و يمشي و كأنه مجاش 
ساعات بنبقى طايرين كاننا لامسين نجوم السما بايدينا ونقول معقولة احنا عايشين فى السعادة دى معقول اللى حلمت بيه لقيته ،،وساعات نحس كاننا قاعدين على صخرة والموج عالى والدنيا بالليل والنوة شديدة عمالة تخبط فى الصخر كان الجرح بينزف وكان البرد من شدته بيضربنا بيقولنا فوقوا ده حلم
و كتير بيسبنا الحب و جرحه مبيسبنااااش 
خلاصة القول:-

ماتزعلش لوفى يوم قابلت حد وعايشك احلى سنين حياتك والظروف مجمعتكش بيه افتكر ان فى ناس مفتقدين احساس الحب ده وعمرهم ماشافوه 

ومش كل اللى انجرح من حب معناه ان مفيش حب وان الدنيا وقفت على ناس ومش هنلاقيى زيهم ده حواء اتخلقت لادم ،، تفتكروا ربنا مش هيخلق ادم ليكى 

                         لسه فى بقية اوعوا تكونوا زهقتوا 

.

قلبى طيارة ورق

كلنا سمعنا كتير عن قصص الحب وقرينا كتير بس ارجعوا بزمان شوية واحنا صغيرين وماسكين ورق الكراريس وبنعمل طيارة ورق ونقف ونطيرها وتقع ونعمل ورقة تانية وثالثة ............ الخ .
تشبيه غريب انى اشبه قلبى بطيارة الورق قلب ابيض نضيف مش عاوز يتلوث عاوز يعيش حر يطير من غير حدود ماهو الحب حالة تحسسك انك بطير مع انك واقف ثابت فى مكانك على الارض بتحس بنسمة هواء وبرعشة ايد
بسال نفسى كتير هو الحب لسه موجود ،، اكيد موجود بس فقد قيمته ؟؟؟؟؟؟؟؟؟؟؟؟ اممممممممممممم بمعنى

عشان توصلى لحبيبك تقفى فى البلكونة بالساعات وهو يعدى من تحت البيت ده لومكنش الوالد محافظ وقافل الشبابيك بالشاكوش والمسامير زى مسلسل السكرية او فيلم لبنى عبد العزيز الوسادة الخالية لما كان عبد الحليم حافظ يعدى كل يوم فى نفس الميعاد .... او بعد ماتخلصى المدرسة يبقى واقف فى عز الشمس مستنيكى تخرجى زى معظم افلام احمد رمزى ................. وعشان يقولك بحبك تكون طلعت روحك ... ويقولك استنى اسمعى الاغنية دى اهواك ..... او تسمعى اغنية لماجدة الرومى " وارجع واقول لسه الطيور بطن " او اكيد مش صدقينى يانوال "لان مش هستحمل حد يقول كده " وكل اغانى ام كلثوم وفيروز ونجاة " الا انت ".
فى التمانينات بقى  سعاد حسنى وفيلمها "خلى بالك من زوزو " الله على الاحلام الرومانسية ومركب فى النيل ..... الحب دلوقتى المفروض بقى اسهل مبقاش فى عذاب للاتنين بقى فى موبايل بقى فيه فيس بوك يعنى فى ثانية نوصل للى بنحبهم فى ثانية يعنى نتخيل لو فى رسالة من حبيب الى حبيبة او العكس الحوار هيمشى ازاى

هيبتدى اللقاء الاول " تعارف اكتر " نعتبره مثلا فى الشغل مع ملاحظة انهم بيشوفوا بعض يوميا ومبيكلموش وده اول احتكاك
هو: ازيك
هى : ازيك
هو: احنا فى حاجات مطلوبة منك تخلصوها فى الشغل
هى : اوك اتفضل قول
يعدى ساعتين
هى : اوك شكرا جدا هخلصها وهقولك اناعملت ايه
هو: اوك واناتحت امرك فى اى وقت
هو: قاعد فى مكتبه رايح جاى رايح جاى يعنى مش عارفة اقولها هاتى رقم تليفونك .... يوووووووووووووو .. اعمل ايه دلوقتى
هى : محترم اوى الشخص ده بصراحة فى ناس لسه بتوصل المعلومة بزمة فى الزمن ده
تليفون مكتبها رن
هى : الو
هو: الو
هو: انا فلان ... ممكن تدينى رقم موبايلك علشان انتى عارفة الفترة الجاية هعوز حاجات فى الشغل
هى: اااااااا .............. طيب بس اوك حاضر رقمك رقمى
ترن ترن
هى : الو
هو:معلش ممكن اميلك على الفيس بوك عشان لوهبعتلك حاجات تبع الشغل
هى: طيب  .. حاضر اميلك .. اميلى " هو فى ايه " تحدث بها نفسها
تمت الاضافة وبدات التحدث على الشات ياترى بدا الحوار بايه
                                                             المرة القادمة بقى وعليكم خير ,,,,,

حلمى

مع اعتذارى لكل الشعراء دى محاولة كتابة خاطرة

                                                               حلمى كبير وعنيد

حلمى كبير وعنيد
ومفيش حاجة تقدر توقفه
لا خلق تبطل تحبطنى
ولا دنيا هتقدر تكسرنى
هدوس وهعدى وهكسر الحدود
عشان انا طموحى مهوش بعيد
انا مش فيليكس اكسر حاجز الصوت
بس اقدر اكسر حاجز الخوف
اطير بافكارى وافتح عقلى
بارشوت ينط مكانى بالمظبوط
قابلت كتير ده يكسرنى وده يظلمنى وده يدمرنى
بس عمرى ما انحنيت دايما ضهرى مفرود
مش بعيد حلمى بس انا بثبت للعالم انى موجود

                                      رانده

عمرى مانسيتك ولا اقدر - وائل الجسار

عمرى مانسيتك وائل الجسار " عندماتتحدث الأنثى "

أى واحد فينا لما بيسمع اغنية بيترجمها حسب الحالة اللى عايش فيها ممكن تسمع اغنية تخلى مودك كانك طاير فى السما وممكن تسمع اغنية تخليك حاسس انك فى قوضة ضلمة وضيقة عليك اوى عشان كده فكرت فى الفكرة دى لو حد سمع اغنية وترجمها بالشكل ده مع اعتبار ان المود سئ جدا وده واحد ساب واحدة كزا مرة وجرح قلبها طب لو سمعتها اى بنت هترجمها ازاى ،، هيكون ردها ايه على كل كلمة تعالوا كده شوفوا معايا !!!!!!!!!!!!!!!!!!!!!!!!!!!!!!!!

-        عاوزة أطمن عليك

لا شكراً .... بعد ايه

-        وانسى روحى بين ايديك

لا والله

-        وافضل اجرى واجرى بيك

حاسب لا تقع

-        وأبقى مش عارف مكانى

غبى ... إذا كنت إنت مش عارف مكانك هتعرف مكانى

-        نفسى أكمل عمرى جنبك

يالسه فاكر ،،، دلوقتى عفت إنك عاوز تكمل عمرك معايا وجنبى

-        نفسى اعيش عمرين معاك

ياااااااااااااا كان نفسى اسمعها من زمان .. بس للأسف جت متأخر أوى

-        وأنسى حضنى جوه حضنك

يااااااااااااااا كان نفسى

-        نفسى أتنفس هواك

كان نفسى

-        عمرى مانسيتك ولا أقدر أعيش حياتى إلا بيك

لا قدرت تقسى وتبعد .. كفايا اوى لحد كده كفايا الم ،،أه إيه جربت غيرى وساعتها عرفت قيمتى

-        ليل نهار بسرح وأفكر غصب عنى حبيبى فيك

طيب ياسيدى متشكرين

-        قولى عمرى يساوى إيه

ولا حاجة

-        لومكنتش جنبى فيه

عمرها ماهتحصل

-        قولى بس هعيشه ليه

عنك ماعشته

-        مهما تبعد قلبى شايفك

جت متأخر أوى

-        مهما غبت بحس بيك

مع انى كنت معاك ومكنتش بتحس سبحان الله ياعم الحساس

-        مهما طال البعد عنك

يارب تبعد كده على طول كمان وكمان

-        بعدى بيقربنى ليك

يارب تدوق وجع قلبى اللى كان

-        قولى عمرى يساوى إيه لومكنتش جنبى فيه

ولا عمرى هكمل معاك

-        لومعشتش عمرى جنبك قولى بس هعيشه ليه

متقلقش لوفضلت كده هتموت بجد

-        مهما تبعد قلبى شايفك مهما غبت بحس بيك مهما طال البعد عنك

بعدى بيقربنى ليك .. إفضل عيد الكلام ولا الدموع

-        عمرى مانسيتك ولا أقدر أعيش حياتى الا بيك

كلام فى كلام

-        ليل نهار بسرح وأفكر غصب عنى حبيبى فيك

وأنامالى

-        عمرى مانسيتك ولا أقدر أعيش حياتى الا بيك

-        ليل نهار بسرح وأفكر غصب عنى حبيبى فيك

للأسف متأخر أوى ى ى ى  ى ى ى ى ى ى ى ى ى ى

معلش عارفة ان الاغنية حب واتقلبت بس هنقول ايه محاولة تغيير  

رانده احمد