ياقلبها
هى لسه قلبها بينزف
لسه مجروحة نفسها
تقاوم وهتفضل تقاوم لغاية امتى
انه ميبقاش لسه حبها
خايفة تحب تانى وتتجرح
ماهى اصلها شافت كتير وإتألمت
خايفة تعيش دنيا متبقاش لها
لسه جواها حزن وندم
على عمر ضاع
ولسه ممكن يضيع
لسه بتفتكره ومش عارفة تنساه
لسه فاكرة لماكان بيهمسلها
وتضحك ضحكة ساعتها قلبه كان بيتنفض
كان بيتمنالها المنى
كانت بالنسباله حلم كبير
معرفش يحافظ عليه
كان دايما يقولها انتى كتير عليا أنا
وفجأة بقى كل ده سراب ووهم
صحيت وفاقت ولقت نفسها
بره دنيته
دخلت واحدة جديدة حياته
شقلبتها رأساً عن عقب
نسى حبها واتفتن بحب حد جديد
مبقتش عارفة
ايه كان ذنبها
بكت بكاء مرير
مبقتش عارفة تلوم نفسها ولا الزمن ؟؟؟؟؟
هى ليه حبت وانجرحت
كان ذنبها إيه !!
كانت بتحلم تكون عايشة حلم جميل
ايد فى ايديها تكمل معاها المشوار
حضن دافى تترمى عليه
متشلش هم دنيا ماهو كل دنيتها
نفسها تصرخ
وتقول أنا حصلى ليه كده ؟؟؟؟؟؟؟؟؟؟؟
لسه بتنزف ومش قادرة تعيش وتقاوم
فى عزألمها لقت حد بيطبطب عليها
بس خايفة
خايفة تعيش حلم ويصبح ألم
خايفة تتألم ماهو من حقها
خايفة تضحك وبدل الضحكة يموت جواها مليون صرخة ألم
هى لسه بتنزف !!!!!!!!!!!!!!!!!
ليست هناك تعليقات:
إرسال تعليق