Employment Fair
هكلم عربى يعنى
ملتقى توظيف
من المتعارف دوماً إن الفكرة قائمة على شركات عاوزة تشغل ناس
وموظفين عاوزين يشتغلوا وبيتجمعوا فى مكان حتى يتم اللقاء
طبعا الشركات بتجمع database
أو بتروج عن الشركة
أو فعلاً بتعين ناس
والموظفين "يارب حد يقبلنا"
ولفت نظرى اعلان
لشاب بريطاني يبحث عن وظيفة بطريقة غريبة : "لقد أنفقت آخر
500 جنيه أملكها على هذا الإعلان أرجوكم إمنحوني وظيفة"!
طريقة التعبير عن مدى بحثه عن الوظيفة وإصراره
بالطريقة المصرية "يارب انا عملت كل اللى عليا والكل على
الله "
بس واه من كلمة بس ؟؟؟؟؟؟؟؟؟؟؟؟؟؟؟؟؟؟؟؟
مايحيرنى كثيراً وجود كفاءات عالية جدا وتستحق أخذ فرصة لإثبات
إمكانياتها
وبتقبض مبالغ لاتكفى لسد هرم ماسلو فى اول سلم وهى الاحتياجات
الأساسية
وجايز ومن الممكن انهم قاعدين فى البيت وبيدوروا على فرصة
او جالهم اكتئاب او تنمروا واحتجوا ومش بعيد يعملوا جمعية
المقهورين فى الأرض
وإحساسهم بالمهانة وعدم تكافؤ الفرص والظلم وقضايا كتير
ومينفعش نحكم عليهم لو ضلوا طريقهم
وفى نفس الوقت وجود أفراد فى مراكز عالية بمرتبات عالية
وهم لايفقهون شيئاً عن ماذا يفعلون
لا تصاب بخيبة الأمل
أوينتابك شعور بالخنقة لا سمح الله
فهذا وضع البلد
وأكيد هقول أصلها أرزاق
والله مش حقد وبصالها من وجهة نظر دكتاتورية لا لان فى ناس فعلا تستحق
مراكزها
ودول قليليين برده
ودول قليليين برده
انا بكلم عن جوانب تانية من فضلكم
لا زلت أتسائل عن هذه الأسباب
وعدم تكافؤ الفرص وعدم توزيع المرتبات بشكل يتناسب مع المؤهلات
وعدم وجود إنتاجية فعالة وعدم وعدم وعدم وأشياء كثيرة مازالت تنتابنى
وإصرار بعض البشر إلى أن مازال بيديهم نقل فلان إلى فلان
وبالمرتب اللى هوشايفه
على سبيل المثال كل شركة وليها سياستها ومعتقدتها وهو موقف تعرضت له إحدى صديقاتى تقدمت لإحدى الشركات المعروفة وكان سبب رفض
تعينها
أنها ترتدى الحجاب وسياسة المكان تطلب عدم إرتداء الحجاب
يعنى إمكانيات وخبرة وانترفيو ناجح بس الحجاب كان العقبة
ومواقف أخرى
شخص عنده عربية وابن
ناس وكوول
وهو يفتقر إلى المؤهلات يتم تعيينه فورا
مع إن فلان غيره ناجح وذو فكر خاص بس للأسف ساكن فى مكان
مش مناسب لوضع ومكانة الشركة ومعندوش عربية
أنهى معايير المجتمع ماشى عليها
سياسة "مش عارف"
فلان ده اتعين ليه
"مش عارف"
طب بناء على ايه يتم اختيار المؤهلات والكفاءات
بمعنى اصح وأدق ايه هى
Specifications to
select a candidate
محتاجة أعمل
Survey
حتى يكتمل فهم أدق لمعايير السوق
كأننا بقينا مجتمع متلخبط وفاقد الهوية
والله أنانفسى حديقولى دى تهيؤات
وإنى ده مش واقع
ليست هناك تعليقات:
إرسال تعليق